رجعت من الامتحانات بخفى حنين.....وتاااج

طبعا وانا كلى حسن نية رحت ازور ايمى وكوكا بعد غياب

وحصل ما حصل

ان ان ان ااااااااااااان

تش

لقيت تاج بانتظارى

تاج جديد من ايمى وكوكا

وتفوح منه رائحة سياسية اصابتنى باختناق مؤقت

على العموم

ربنا يستر

بسم الله توكلت على الله

دخلت مجلس الشعب من اوسع ابوابه ايه هو رمزك الانتخابى المفضل ؟؟؟؟
اللاب توب

كنت تفضل الدخول مستقل او تتبع حزب معين ؟؟؟؟

اسمها مستغل مش مستقل

فمجلس الشعب ليس فيه اعضاء مستقلون

اعضاء اليوم

مستغلون

ومع ذلك اتمنى ان اكون مستقلة

اذا دخلت مستقل هل توافق على التوقيع للحزب الوطنى بعد نجاحك كمستقل ؟؟؟؟

عند امه يا ادهم

حزب وطنى ايه

ده وطنهم هما مش وطنى انا

اول حاجه هتعملها لنفسك ولاسرتك ؟؟؟؟؟

من وجهة نظرى

ساتنازل عن الحصانة

ايه المشروع اللى ناوى تعمله لاهل دايرتك ؟؟؟؟

بالنسبة لواحدة زيى شافت الذل والهوان فى شارع القصر العينى

يبقى اكيد باذن الله هاطالب بعدم مصاحبة موكب مرافق لاعضاء المجلس والمجالس المجاورة الصديقة

وساذهب الى ومن المجلس فى سيارتى

او اى سيارة الظباط ميعرفوهاش ويوقفوالى الشارع عشان اعدى

ده لو كان عندى سيارة يعنى

وربنا يستر من دعاوى الناس على مجلس الشعب واعضاءه

دون ذكر اسم الدائرهقعدت فى المجلس جنب نائب مميز .

من هو النائب ؟؟

احمد عز

عشان احاول اخد منه عينة دم مفاجاة

زى الست بتاعة فايس اوف لما اخدت عينة من جون ترافولتا عشان تعرف ان كان هو جوزها ولا لا

واعرف هو نوع دمه ايه

ده ان وجد

قدمت سؤال للحكومه ايه هو السؤال ؟؟؟؟؟

تعرفوا ربنا؟؟؟

طلب احاطه موضوعه ايه ؟؟؟

انا معرفش اسمه ايه

بس الراجل اللى بيجى فى كل قرار ده يقولهم موافقون؟

ومحدش يرفع ايده ولا يتكلم

يقوم هوا قايل موافقون ويختم

عايزة اساله يا ترى راح لدكتور عيون قريب؟

وبتقدمه لمين ؟؟؟؟

هو الراجل اللى فوق ده

استجواب لاتنين من الوزراء موضوعه ايه ؟؟؟؟

جنسك ايه ؟

و

do u speak arabic?

وبتستجوب مين

اول واحد للست اللى قالتها صراحة ريحوا نفسكم مش هستقيل

بعد ما خربتها وقعدت على تلها

والتانى للاخ المحب المحبوب الحبوب المحبب

حبيب العادلى

اللى هو لا حبيب

ولا عادل

عايزة اعرف يا ترى هو بيفهم انهى لغة

دا حتى واضح انه مالوش فى لغة الاشارة

انت مع الخصخصه ؟؟؟؟؟؟

مش اى خصخصة

لو خصخصة لناس مصرية ناوية تعمل حاجة بجد

واقتصادنا مش هيطلع بره وهيفضل مننا ولينا

يبقى اللهم ما صلى على النبى

لكن لو شوية ناس جواسيس مبعوتين من ناس من اللى بالى بالكم

وجايين يخصخصوا الليلة عشان يستولوا على الاقتصاد بتاعنا المرحوم المغفور له

يبقى لا

وهاطالب بالقاء القبض عليهم

هل انت مع قطع العلاقه مع اسرائيل ؟؟؟؟؟

اكيد

ومش بس قطعها لو ينفع نسفها يبقى خير وبركة

وما يترتب عليه من معامله العدو هل تؤيد الحرب على العراق ؟؟؟؟؟؟؟؟

لا طبعا

لانى لو ايدتها يبقى كانى انا كمان بعلن الحرب على العراق

وديه حاجة مقدرش اعملها

هل تؤيد مرور الامريكان فى القناه ؟؟؟؟؟؟

لا

مش مؤيداه

وتغور الفلوس اللى بتجلنا من وشوشهم

ولا سفن تجارية ولا حربية ولا اى حاجة

ومش بعيد اى مركب تحاول تقرب هافجرها

هل انت مشترك فى مؤامره كسر فرنسا هانم بالاشتراك مع ام دبوه ؟؟؟؟؟؟؟؟

هاه؟؟؟

i don't speak english

بتمرر التاج ده لمين ؟؟؟؟؟

لاول خمسة يدخلوا هنا

سواء علقوا او لا او حتى جم غلط

وديه امانة بحملهلم قدام ربنا

مما يتطلب طبعا منهم انهم يقولوا انهم دخلوا عشان منلبسش ناس فى تاج بالغلط

وطبعا ممكن يكونوا اخدوا التاج ده قبل كده

برضه يكتبوا ويراعى من ياتى بعدهم الحكاية ديه

وغير كده اى حد عايز ياخدوا يتفضل بس يقولى هو مين عشان اشوف اجاباته

مرسييييييييييه كتير

وابقول اسالوا عنى بقى لو غبت

وبالنسبة لمن سبقونى وجاوبوا على التاج وفقدوا فى ظروف غامضة

فانتم السابقون ونحن اللاحقون

وسبحان من له الدوام

سلام

استراحة امتاحانات

السلام عليكم

بعد اذنكم انا واخده استراحة لمدة الاسبوعين اللى جايين عشان الاستمحانات

ادعولى

المهم انا قلت قبل ما ابلغ هروب

اسيبلكم حاجة بحبها اوى

مش عارفة اقول عنها مقالة ومش عارفة اقول عنها نكت ومش عارفة اقول عنها ايه

بس بجد الحاجات ديه من الحاجات اللى خلتنى احترم قاسم امين مرة فى حياتى

انه خلانى عرفت اقراء

مش هاطول عليكم

انا هاسيبكم تقروا مع نفسكم

وبدعوا من قلبى تستمتعوا بالكلام ده زى مانا استمتعت بيه

------------------------------------------------------

بسم الله توكلت على الله

-----------------------------------------------------

يقول المؤلف في مقدمته: قبل أن تقرأ
الفقر هو المعلم الأول لعشاق الاختصار، فالفقراء أمثالى.. أحلامهم مختصرة وطموحاتهم مختصرة، وحظوظهم مختصرة ..
ومن خلال المختصرين الظرفاء (محمد عفيفي وأحمد رجب وأنيس منصور وحسام حازم ومحمد حلمي) أتجهت إلى أدب الاختصار مُغرماً وأحببته مرغماً، ووجدت في هذا النوع النادر من الكتابة ما يلائم عصر (الفمتو ثانية) الذي تضيق فيه صدور القراء من الاسترسال والاستطراد والمقالات المطولة، المليئة بالثرثرة، والأحاديث الفارغة، أو المفروغ منها، التي ليس لها أي ظل يذكر، أو أي ذكر يظل!!...
ومشكلة هذا النوع من الكتابة أنه لا يشغل حيزاً من اهتمام النقاد، ولا يجد احتضاناً من دور النشر، ولكن هاتين المشكلتين لم تضعفا من اهتمامي ولم تضاعفا من همومي، لأن رهاني الوحيد كان على القارئ الذي أتمنى أن ينصفني باختصار الطريق إلى قلبه وعقله.
لهذا القارئ قررت طبع هذا الكتاب ليضم ما تم نشره بزاوية (من أفواه المجانين) التي أكتبها أسبوعياً بجريدة (الأهرام)، وزاوية (كلماتير) التي تنشر شهرياً بمجلة (كاريكاتير) وزاوية (بدون مجاملة) التي سبق نشرها بجريدة (الميدان)، ولم يكن هدفي بهذه العبارات المختصرة سوى مداعبة الشخصيات التي كتبت عنها، ومحاولة إضحاك بعض المجانين القادرين على شراء هذا الكتاب، متمنياً من الله ألا يطالبوني بعد قراءته.. برد ثمنه إليهم!!..
هنا بعض المقتطفات من الكتاب..

--------------------------------------

(هناك علاقة ضرورية ينبغي أن تكون بين (العلم والمال)، فالعلم يحتاج إلى (تمويل) والمحافظة على المال تحتاج إلى (تعليم

-----------------------

عبارة (عدد ممتاز) التي تكتب على بعض المجلات هي اعتراف ضمني من أسرة المجلة بأن أعدادهم التي سبقت هذا العدد كانت*

(دون الممتاز)

-------------------------

!!(على يد النواب النائمين تحت القبة، تم تقسيم كلمة (انتخابات) إلى كلمتين هما.. (أنتخ).. و.. (بات*

-------------------------

بكاء العديد (من) البشر، أفضل من بكاء العديد (على) البشر*

-------------------------

الفساد هو الحصاد الطبيعي لصغائر الكبار.. و.. كبائر الصغار*

------------------------------
أنا لا أطيق من يستخدم تعبير (الخ.. الخ)في حديثه، محاولاً إقناعي بأنه شخص ذكي، وموسوعي، ودبلوماسي، وموضوعي، الخ.. الخ..الخ

--------------------------

!! حجة البليد مسح التختة، وحجة المنافق.. مسح الجوخ*

--------------------

معظمنا يرحل إلى (باطن) الأرض قبل أن يدرك (بواطن) سكانها، ومعظمنا يسبقه (سره) إلى التراب قبل أن تنكشف سريرته)

وهو

(يغمض عينيه على (سريره
-------------------

للتاريخ ثلاثة رجال: رجل يصنعه، وآخر يكتبه، وثالث يقرأه مبتسماً

------------------------

(رجال الأعمال نوعان: رجل له (أتباع)، ورجل في سوق الفساد.. (إتباع

----------------------

(متابعة (البرامج التلفزيونية) أرحم بكثير من متابعة.. (البرامج الانتخابية

-------------------------
وراء كل سلعة ناقصة.. ضمائر ناقصة

-----------------------
قديماً كانت الكوابيس كفيلة بإيقاظك من نومك مفزوعاً، وحديثاً صارت الكوابيس لا تحتاج إلى النوم لكي نراها

---------------------
أدركت أن جدي (أمريكي) الهوى والهوية حينما مد لي يده اليمنى وقربها من فمي قائلاً: (بوش) أيد جدك يا ولد

-------------------------
قال الطبيب لمريضته التي توشك على الولادة: من المؤكد أن (الوضع في المستشفى) سوف يكون أسهل بكثير من

(الوضع في الشرق الأوسط)

------------------------------
(الغبي هو الشخص الذي يعتقد أن آلام المصران الغليظ يمكن أن تنتهي بمجرد مشاهدة فلم (ذهب مع الريح

-------------------------

لو كان السكوت من ذهب، فما هو السر في فقر الأغلبية الصامتة حتى الآن؟

-------------------------
(حينما يتغلب قانون القوة على قوة القانون، يصبح الحر مستعبداً ويصبح الحلم (مستبعداً

---------------------------
* لعل السبب الحقيقي وراء التعصب الكروي للشباب أنهم لا يرون (الأهداف) وهي تتحقق إلا.. في ملاعب الكرة فقط

-----------------------
* الشخص الأكول هو الشخص الذي لا يطيق أن يرى الأطباق وهي فارغة، ولا يطيق رؤيتها وهي مليئة

-------------------------
(في هذا (العصر).. كل الضمائر قابلة (للعصر

-------------------------
* نحن محاصرون (بالتصريحات) اليومية، وكأن التصريحات قد كتبت علينا من المهد إلى اللحد، إذ لا يستطيع أي واحد منا أن يدفن في قبره قبل الحصول على (تصريح) بالدفن

--------------------
* المستحيلات القديمة ثلاثة: الغول والعنقاء والخل الوفي، والمستحيلات الحديثة ثلاثة: الستر والدولار والحل الخفي

------------------------
( بعد انتهاء خطبته العصماء بمناسبة حصوله على (الحصانة) وجدت نفسي أقول له مهنئاً (أحصنت) بدلاً من.. (أحسنت

---------------------
* في أمريكا.. الجنرالات أنواع: جنرال كولن باول.. و.. جنرال زيني.. و.. جنرال موتورز وجنرال إليكتريك

-----------------------
كلما تأملت ما يحدث من حولي على المسرح السياسي حالياً، تذكرت كلمات رئيس الوزراء البريطاني ونستون تشرشل عن المؤهلات التي يظنها ضرورية لسياسي ناشئ والتي لخصها قائلاً: إنها القدرة على التنبؤ بما سيحدث غداً، أو بعد أسبوع أو شهر أو سنة.. ومن ثم القدرة على أن يفسر أسباب عدم تحقق هذه النبوءات بعد ذلك

-------------------------
( في هذا الزمن الرديء، تشابهت الوعود كحبات الأرز، وتشابهت الأيام كحبات العدس.. يبدو أننا أصبحنا نعيش في (طبق كشرى

----------------------
( بعد دخول أمريكا إلى العراق، اشتد التنافس بين القبائل والعشائر والطوائف وصار (العراك) هو الاسم الملائم لأرض (العراق

-----------------------
في المواقف (المخيفة): المنافق يغير رأيه، المسئول يغير معاونيه، الجبان يغير ملابسه

----------------------
توقفت عن مشاهدة أغاني (الفيديو كليب) بالتلفزيون بعد أن علمت أن المصل المضاد لداء الكلب غير متوفر بالأسواق حالياً

--------------------------
( الوزراء نوعان: وزير يحسب له ألف (حساب) إذا (قال) ووزير يحسب له ألف (ثواب) إذا (استقال

--------------------------
: للأذكياء فقط أقول
- ليس بالضرورة أن يكون الشخص المشكوك في أمره، هو نفس الشخص المشكوك في ولي أمره

----------------------------
الناس ثلاثة: شخص يصنع القانون، وشخص يقوم بتطبيقه، وشخص يقوم بتطبيقه ووضعه في جيبه

------------------------
جوبلز (وزير دعاية هتلر) هو القائل: كلما سمعت كلمة مثقف تحسست مسدسي، ولو عاش (جوبلز) إلى وقتنا هذا لأكمل عبارته قائلاً: وكلما سمعت كلمة موظف تحسست جيبي، وكلما سمعت كلمة مطرب تحسست طريقي بحثاً عن الفرار بجلدي

-----------------------
من البكاء المتصل لهذا الطفل الرضيع، أدركت أن هذا الطفل سوف يعمل مستقبلاً في كتابة المسلسلات التلفزيونية

----------------------

( للثرثرة رجلان: رجل يتحدث عن (أحواله) ورجل يتحدث عن (أوحاله

--------------------------
أهم من حل الكلمات المتقاطعة: حل الأحزاب المتقاطعة

--------------------------
وسط المقابر.. ما عسى تجدي (الكلمات)، مادام (الكل مات)؟

تم بحمد الله

يارب يكون عجبكم

الكلام ده كان بيتنشر فى عامود صغنن فى ملحق جريدة الاهرام القديم

ايامنا الحلوة

وزى اى حاجة حلوة

مبقاش الملحق ده بينزل

الكلام ده اتجمع فى كتاب اسمه من افواه المجانين

وادى بياناته

الكتاب: من أفواه المجانين
الكاتب: محمد السيد محمد
الناشر: أطلس للنشر والإنتاج الإعلامي / القاهرة/ ط1/ 2005

...وعدتك ان لا احبك ...وكذبت

هاى عليكم

سيبنا بقى من الفن الهابط

وان جاز لى ان اطلق عليه لقب فن

وسيبو نفسكم خالص بقى كده وخلونى زى ما بيقولو

اصطحبكم معى فى رحلة داخل مدينة الكلمات

هافرجكم على الساحر

اه والله الساحر

هو فعلا ساحر الكلمات

صحيح ان ليا بعض تحفظات على شعره

ولكن فى الاخر لا يمكننى سوى ان اعشق تلك القصيدة بالذات

اللى بتكلم عنه يا سادة هو نزار قبانى

القصيدة ديه قريتها مرة

ومش قادرة انساها

وبقيت كل شوية ااقراها

هيا فعلا من اروع ما قارت لنزار قبانى

مش هاتكلم كتير

عايزة كل واحد ياخد نفس عميييييق

ويبدا معايا فى قراءة اروع ما يمكنه قراته يوما

السادة الركاب

برجاء الامتناع عن التدخين

بل وعن التنفس

وبرجاء الاسترخاء فى مقاعدكم

وربط الاحزمة استعدادا لاقلاع رحلتنا

الساعة الان فى المدونة الثالثة وواحد واربعون دقيقة صباحا

وعلى المقيمين خارج المدونة مراعاة فروق التوقيت

بسم الله توكلت على الله

--------------------------------------------------

محاولات لقتل امراءة لا تقتل

وعدتك ان لا احبك

ثم امام القرار الكبير ،جَبُنْت

....وعدتك ان لا اعود

وعٌدْتْ

.....وان لا اموت اشتياق

ومٌتْ

وعدت مرارا

وقررت ان استقيل مرارا

ولا اتذكر انى استقلت

وعدت باشياء اكبر منى
فماذا غدا ستقول الجرائد عنى؟

اكيدٌ ...ستكتب انى انتحرت

وعدتُك

ان لا اكون ضعيفا...وكنت

وان لا اقول بعينكى شعرا....وقلت

وعدت بان لا ...وان لا...وان لا

وحين اكتشفت غبائى ....ضَحِكت

وعَدْتُكِ

ان لا ابالى بشعرك حين يمر امامى

...وحين تدفق الليل فوق الرصيف

....صرخت

وعدتُكِ

ان اتجاهل عينيك،مهما دعانى الحنين

وحين رايتهما تمطران نجوما....شَهَقْتْ

وَعدتُكِ

....ان لا اوجه اى رسالة حب اليكِ

ولكنى -رغم انفى- كتبت

...وَعَدْتُكِ

...ان لا اكون باى مكان تكونين فيه

...وحين عرفت بانك مدعوة للعشاء

ذَهبت

..وعدتك ان لا احبك

كيف؟

واين؟

وفى اى يوم تُرانى وَعَدْتْ؟
،لقد كنت اكذب من شدة الصدق
....والحمدلله انى كَذَبْتْ

...وَعَدْتُكِ

ان لا اُتلْفِنَ ليلا إليك

وان لا افكر فيك ،اذا تمرضين

وان لا اخاف عليك

...وان لا اقدم وردا

...وان لا ابوس يديك

وتلفنت ليلا...على الرغم منى

وارسلت ورداً...على الرغم منى

وبِسْتُك من بين عيناك ، حتى شبعت

...وعدت بان لا

...وان لا

...وان لا

...وحين اكتشتف غبائى ضحكت

...وعدت

....بذبحك خمسين مرة

وحين رايت الدماء تغطى ثيابى

...تأكدت انى الذى ذُبحْتْ

..فلا تاخذيننى على محمل الجد

مهما غضبت ..ومهما انفعلت

ومهما اشتعلت...ومهما انطفات

لقد كنت اكذب من شدة الصدق

....والحمدلله انى كذبت

...وعدتك..ان احسم الامر فورا

وحين رايت الدموع تهرهر من مقلتيك

...ارتبكت

وحين رايت الحقائب فى الارض

ادركت انك لا تُقْتَلينَ بهذى السهولة

...فانت البلاد..وانتى القبيلة

،وانت القصيدة قبل التكوُّن

..انت الدفاتر

...انت المشاوير

..انت الطفولة

...وانت نشيد الاناشيد

..انت المزامير

...انت المضيئةُ

...انت الرسولة

....وعدت

بالغاء عينيك من دفتر الزكريات

ولم اكُ اعلم انى سألغى حياتى

..ولم اكُ اعلم انك-رغم الخلاف الصغر-انا

...وانى انت

...وعدتك ان لا احبك

-ياللحماقة-

ماذا بنفسى فعلتْ؟

،لقد كنت اكذب من شدة الصدق

...ولا حمد لله انى كَذَبْت

...وعدتك

ان لا اكون هنا بعد خمس دقائا

ولكن...الى ان اذهب؟

ان الشوارع مغسولة بالمط

الى اين ادخل؟

...ان مقاهى المدينة مسكونة بالضجر

الى اين ابحر وحدى؟

..وانت البحار

...وانت القلوع

...وانت السفر

...فهل ممكن انت اظل َّلعشر دقائق اخرى

لحين انقطاع المطر.

اكيد بانى سارحل بعد رحيل الغيوم

..وبعد هدوء الرياح

...وإلا

سانزل ضيفا عليكِ

...الى ان يجئ الصباح

وعدتك

ان لا احبك ،مثل المجانين،فى المرة الثانية

..وان لا اهاجم اشجار تفاحك العاليه

وان لا امشط شعرك -حين تنامين- ياقطتى الغالية

وعدتك ان لا اضيع بقية عقلى

اذا ما سقطت على جسدى نجمه حافية

وعدت بكبح جماح جنونى

ويسعدنى ان لا ازال

...شديد التطرف حين احب

....تماما،كما كنت فى المرة الماضية

وعدتك

ان لا اطارحك الحب، طيلة عام

..وان لا اخبئ وجهى

.. بغابات شعرك طيلة عام

..وان لا اصيد المحار بشُطآن عينيك طيلة عام

فكيف اقول كلاما سخيفا كهذا الكلام؟

وعيناك دارى...ودار السلام

وكيف سمحت لنفسى بجرح شعور الرخام؟

...وبينى وبينك..خبزٌ..وملحُ

...وسكب نبيدٍ...وشدو حمام

وانت البداية فى كل شئ

...ومِسك الختام

وعدتك

....ان لا اعود

...وعُدْت

...وان لا اموت اشتياقا

....ومُتْ

وعدت باشياء اكبر منى

فماذا بنفسى فعلت؟

،لقد كنت اكذب من شدة الصدق

......والحمدلله انى كذبت

النهاية

انتظر ارائكم بفارغ الصبر

آآآآه يا ضغطى يابا

اول مرة يا شباب اعلق على اغنية او انقدها

كانت دايما الاغانى مبتفرقش معايا

اللى يغنى يغنى واللى يخرف براحته وعادى يعنى مش فارقة

مؤخرا مرة وانا كنت لسه بصحى من النوم بس مكنتش لسه وصلت لمرة الوعى الكامل

وسمعت حد بيغنى بيقول

انا لو قلبى فكر يحبك كنت اولع فيه

الاول تنحت

قلت جايز انا الى بخرف

او سمعت غلط

وعادى فوت الحكاية ديه

ومرة تانية كنت فى كامل وعيى وصاحية وحاسة باللى بيحصل

جت اغنية فى الراديو وسمعتها

وكانت بجد بالنسبالى صدمة لما ركزت الغناء وصل لحد فين

ديه كلمات الاغنية

دانتى حتت بت يا بت ولا راحت ولا جات
مش عايزين نلعب مع بعض زى الفار والقط

امال لو كنت جميل وحليوة كنت عاملت ايه
دانا لو قلبى فكر يحبك ممكن اولع فيه


واوعى تفكرى نفسك حلوة ولا عليكى العين
ولا يكون حد ملا دماغك وقالك كلمتين

انت مبتبصش فى مرايا ولا معندكوش
دانت يا واد اهلك رامينك يا بتاع حلق حوش

فاكرة لما عنيكى احمرت من كتر العياط
وبتسهرى بليل تستنى وتعدى الساعات

مين هيبص لكداب زيك دانت حلانجى كبير
ياما قابلت انا من عينتك وشفت من ده كتير

والله ديه اغنية

مش خناقة بين اتنين فى زقاق او حارة

واللى بيغنيها مغنى معروف

صحيح معروف بالاغانى المجنونة المطرقعة

بس متخيلتش ان الموضوع يوصل لكده

فعلا حسيت انها وصلت تهزيق وسورى فى اللفظ ردح بين اتنين

ازاى حد قلبه يطاوعه يغنى اغنية زى ديه

ولما فكرت فى ايام زمان افتكرت الدويتو اللى كان بين شادية وفريد الاطرش

وازاى كانوا بيعملوا فى بعض مقالب وقاصدين يقولوا انهم مش طايقين بعض

بس خلينى اكتب كلمات الدويتو وشوفو الفرق بنفسكم

يا سلام على حبي وحبك
وعد ومكتوبلى احبك ولا نمش الليل من حبك
يا سلام على حبى وحبك

يا سلام على حبى وحبك
دا مكان على بالى احبك ولا نامش الليل من حبك
يا سلام على حبى وحبك

يا حبيبى هواك جننى والشوق ملانى جراح
وحياتك تبعد عنى وتسيبنى عشان ارتاح

= وانا يعنى ماسك فيكى ماهو قلبى مشغول بيكى

حبك حيرنى
وانا زيك برضه
رب يصبرنى
ايوه .انا فى عرضه

اعذرنى لانى بحبك بمنمش الليل من حبك
يا سلام على حبى وحبك وعد ومكتوبلى احبك

مش ممكن اعيش من بعدك ده خيالك جنبى ليللاتى
وبقول لو ربنا يخدك كنت اعمل ايه يا حياتى

ان شاء الله انت يا حبيبى يا هنايا وكل نصيبى

هولع فى روحى يا قلبى وعنيا
لا اوعى يا روحى دا واجب عليا

من ساعت قلبى ما حبك مبنمش الليل من حبك
يا سلام على حبى وحبك وعد ومكتوبلى احبك

حبتنى صحيح ؟
امال
اتارينى بقيت فرحانة.
عقبال كل العزال يتهنوا زى هنانا
شوف وشى اصفر ازاى من حبك
شوفى جفنى احمر ازاى من حبك

هتعيش يا روحى معايا دانت حياتى ودنيتى
كفاية حب كفاية احسن يضر صحتى

بجد حاجة تزعل وتضايق

على العموم انا مش ناقدة

ولا فارق معايا

انا بس لما لقيت طفلة عندها سنتين بتقول لممامتها انتى ((مزة)) حسيت انه لازم الاغانى تبقى كده

ولما البنت اللى عندها ست سنين طالبة المدارس الاجنبية بتغنى العنب العنب

ولما طفل ال (كى جى تو)عايز ياخد معاه مدرستة شوكة وسكينة عشان ((يغز )) المدرسة بتاعته عشان زعقتله لما ضرب صاحبه

يبقى بجد

ربنا يستر على الجيل اللى جاى

وبجد بقيت اسال نفسى سؤال

انا اتجوز واخلف ليه ؟

مادام احنا بقينا فى زمن اغبر

يبقى اجيب عيال عشان اخلقها تبوظ ليه

ربى انى لا اسالك رد القضاء ولكنى اسالك اللطف فيه

يا رب لا تؤاخذنا بما فعل السفهاء منا

وقال ايه

عايزين ربنا يشيل عنا البلاء والظلم اللى احنا عايشين فيه

قال الحكومة هيا السبب قال

ياخى دهده