اتقوا الله يوم ترجعون

نداء الى كل مؤمن

نداء الى كل مسلم

طب بلاش ديه

نداء لكل انسان فيه فى جسده دم بيجرى

مش ماء

مالكم يا مصريين

ايه

ليه الحوار بينا بقى كله

شتيمة وبذاءات وتعدى

مش فى المدونات بس

و اللى للاسف كانت مفروض تبقى مكان للمثقفين المحترمين

لكن فى كل حتة

ليه لما نعدى جنب شوية شباب نلاقيهم بيهرجوا مع بعض بالسب

ان كان سب الام او الاب

او الدين احيانا

ليه يعنى؟

هو الكلام خلص؟

يعنى مفردات المعاجم كلها وقفت على الكلام ده

ليه مبقناش بنركز احنا بنقول ايه

ليه بقت قلة الادب سهلة

ليه يا بنى ادمين

ليه يا خلفاء ربنا فى الارض

ليه يا عرب

ايه الحلو فى الشتيمة

ايه الحلو فى قلة الادب

ايه الحلو فى انعدام الاحترام

بجد سؤال بساله لنفسى من ساعت ما زاد اوى موضوع الشتيمة وموضوع انتشار القاذورات على لسان شبابنا وبناتنا المسلمين

انا عايزة اعرف لو حصل وسيدنا محمد بعث ومشى فى شارع

وسمع كل الكلام ده

تفتكروا باى وش هتقابلوه يوم القيامة

ليه كلنا نسينا انه لينا يوم وهنقف قدام ربنا

مبتكسفوش

ولا انتم شايفين ان الموضوعين مالهمش دعوة ببعض

انتوا مش عارفين ان لسان المرء ممكن يحدفوا فى جهنم

فى الدرك الاسفل منها كمان

ليه يا ناس

مين اللى قال ان الحرية فى التعبير انى اقل ادبى

مين اللى قال ان الحرية انى اسب ده واشتم ده واهزق ده

ليه طيب

يا جماعة اتقوا الله يوم ترجعون اليه

اتقوا الله يا مؤمنين

اتقوا الله يا بنى ادم

عيب يا شباب

عيب يا عاقلين يا كبار

عيب يا شباب العولمة يا واعى

عيب يا امة محمد

عيب يا امة الاسلام

عيب عليكم

خليتوا ايه للى ميعرفوش حاجة عن الاسلام والدين والتربية

عيب عليكم اهلكم تحرموهم من الجنة عشان تربيتهم متمرتش فيكم

عيب

والله عيب

خارج منطقة الادب

نهيتك ما انتهيت والطبع فيك غالب

وديل الكلب عمره ما يتعدل ولو علقه فيه قالب

--------------------------------------------------

يا عينى عليكى يا علاوة

لما بتطيرى منا

لما بنصحى نلاقيكى

ولا تساوى اى نكلة

حسبى الله ونعم الوكيل

حسبى الله ونعم الوكيل

حاولت اعمل بنصايح كل الناس وابستم للحياة

بس ابتسم ازاى وكل يوم بتموت الف بسمة امل على وشوش اطفال مالهاش ذنب

ازاى يعنى اضحك وفيه مئات الامهات الثكالى بتبكى

ازاى انام وغيرى صاحى تحت صواريخ وتحت حصار النار

ازاى يا عرب تسكتوا وغزة بتدمر

ازاى يا بئس الرؤوساء تخرسوا ودمنا بيسيل

مالكم يا عرب ؟

فيكم ايه؟

مش هتفوقوا من وكستكم ديه ابدا

مش هتصحوا وتعرفوا انكم فى خيبة ما بعدها خيبة

من هنا

ومن مكانى ده

معنديش غير كلمتين

حسبنا الله ونعم الوكيل

وجتكم ستين نيلة يا عرب

دانتم اسواء من اسرائيل

حسبنا الله ونعم الوكيل فيكم

يارب كنتم انتم اللى بتضربوا بصواريخ مش الابرياء

ربنا يورينا فيكم مذبحة زى المذبحة اللى حاصلة ديه

حسبنا الله ونعم الوكيل

حسبنا الله ونعم الوكيل

حسبنا الله ونعم الوكيل

-------------------------

تخاريف منتصف الليل

اعزائى المشاهدين

اليكم بعض اشكال الجنان الرسمى التى تجتاحنى

واترك لكم بالطبع مساحة التعليق

فى انتظاركم لو كان لسه ليكم نفس تعلقوا بعدما قريته الكلام الجامد ده

هل تعلم
هل تعلم حين تشعر بالخواء

درب من دروب الغباء
فقدان وحيرة وضياع
تشعر بان روحك ليست معك
اسد جريح فى قفص من ذهب
لا الدواء يشفيه ولا الموت يرحمه
عصفور يرقص رقص الافاعى
مذبوحا يا ولداه على آلآمِه
روح تعافر جاهدة ان تستقيل من ذاك الجسد المنهك
الجسد الشاب الصغير البائس اليائس
ذلك القلب المضطرب الذى لا يعرف كيف يحسم امره
ايتوقف عن الخفقان؟ ام يستمر فى درب الحياة؟

سفن وشراعات دون مرسى
بحور وانهار دون بر
احلام وكلها فى عالم اليقظة
مالها من التحقق درب.

دقات ساعة رتيبة بأمر الحجارة العتيقة
تفكر فى التوقف عن العمل
ولكن يقاطعها عقرب يحصى ثوانيٍ متبقية
إلى أن تحين الآجال

صمت مليء بالمخاوف
نوافذ مغلقة تحمل خلفها
ألاف من الأسرار

عيون مغلقة توقفت عن المحاربة مع بحور الرؤيا
وعيون مترقبة حذرة تخشى الإجفال

أحلام الأنام تحلق في السماوات
رافعة معها العزائم والآمال
ذاك يحلم بالمال
واخر بأبناء
وذلك بعروس تنتشله من بحر العذاب
وأخر برحلة استجمام
وتلك بالفارس المغوار
وآخرون يرجون العفو من الرحمن

وياتى وقتا تتزاحم بداخلى احاسيس معقدة
وتعلو شفاهي وقتها ابتسامتي المُرهقة،
لتنبئني بانتباه احدهم لتسللي خلسة لأراقبهم واعلم إخبارهم.
وها هو قد جاء ليتسامر معي ،
فى وقت اطلب فيه الهدوء مثلما لم اطلبه من قبل

والان ها هنا اجلس كعادتى و قد وصلت لأحد الخطوط التي لا اعلم لما وصلت اليها
لست مكتئبة او حزينة
بل اشعر بالخوااااء
نعم الخواء
تلك هيا نقطة البداية
بل والنهاية ايضا
فالكلام توقف عن المضى تباعا
فيما اردت ان اخطه ها هنا
ولكن بما ان حتى الكلام اصبح يرفض ان يمنحنى الفرصة
فقد قررت ان ارحل واتوقف عن الهذيان والتفكير
اصبحت تحيط بعقلى الغيامات والافكار السوادء
اصبحت اجهل اين انا
بل وماذا افعل حيث انا الان
وماهو المفروض وما هو الواقع
حجرة مظلمة جدرانها باردة سوداء
مبطنة كشى تنعزل عن ما حولها
لا اسمع فيها سوى انفاسى المتلهفة للخروج
ودقات القلب الرتيبة التى مازالت فى حيرة من امرها
وتلك الساعة اللعينة التى يعذبوننى بها
اه لو ادرى السبيل لتحطيمها
بل وان حطمتهاتبقى منها ذلك الصدى المسجل باذنى والذى يطرق باب عقلى

ليذيقنى كؤوس العذاب مرارا وتكرار.

تلك كانت نهاية الشوط الاول....احم احم اقصد الجزء الاول

وطبعا انا عارفة ان الكلام فظيع فى حلاوته فانتم عايزين تكمله

اللى حصل فى تلك الليلة الليلاء

موعدنا مع الجزء التانى فيما بعد