نداء الى كل مؤمن
نداء الى كل مسلم
طب بلاش ديه
نداء لكل انسان فيه فى جسده دم بيجرى
مش ماء
مالكم يا مصريين
ايه
ليه الحوار بينا بقى كله
شتيمة وبذاءات وتعدى
مش فى المدونات بس
و اللى للاسف كانت مفروض تبقى مكان للمثقفين المحترمين
لكن فى كل حتة
ليه لما نعدى جنب شوية شباب نلاقيهم بيهرجوا مع بعض بالسب
ان كان سب الام او الاب
او الدين احيانا
ليه يعنى؟
هو الكلام خلص؟
يعنى مفردات المعاجم كلها وقفت على الكلام ده
ليه مبقناش بنركز احنا بنقول ايه
ليه بقت قلة الادب سهلة
ليه يا بنى ادمين
ليه يا خلفاء ربنا فى الارض
ليه يا عرب
ايه الحلو فى الشتيمة
ايه الحلو فى قلة الادب
ايه الحلو فى انعدام الاحترام
بجد سؤال بساله لنفسى من ساعت ما زاد اوى موضوع الشتيمة وموضوع انتشار القاذورات على لسان شبابنا وبناتنا المسلمين
انا عايزة اعرف لو حصل وسيدنا محمد بعث ومشى فى شارع
وسمع كل الكلام ده
تفتكروا باى وش هتقابلوه يوم القيامة
ليه كلنا نسينا انه لينا يوم وهنقف قدام ربنا
مبتكسفوش
ولا انتم شايفين ان الموضوعين مالهمش دعوة ببعض
انتوا مش عارفين ان لسان المرء ممكن يحدفوا فى جهنم
فى الدرك الاسفل منها كمان
ليه يا ناس
مين اللى قال ان الحرية فى التعبير انى اقل ادبى
مين اللى قال ان الحرية انى اسب ده واشتم ده واهزق ده
ليه طيب
يا جماعة اتقوا الله يوم ترجعون اليه
اتقوا الله يا مؤمنين
اتقوا الله يا بنى ادم
عيب يا شباب
عيب يا عاقلين يا كبار
عيب يا شباب العولمة يا واعى
عيب يا امة محمد
عيب يا امة الاسلام
عيب عليكم
خليتوا ايه للى ميعرفوش حاجة عن الاسلام والدين والتربية
عيب عليكم اهلكم تحرموهم من الجنة عشان تربيتهم متمرتش فيكم
عيب
والله عيب
18 comments:
اه فعلا اتقو الله
هو انسب حاجة تتقال
للى بيطول لسانه وبيقل ادبه
للاسف احنا المفروض امة الشورى والاخذ بالراى
بس للاسف مبنطبقش الاسلام وظالمينه معانا كتير
لاننا منعرفش ادب الاختلاف وادب الحوار سواء كان مدونين او علماء دين او سياسيين
وفعلا عيب زى ماقلتى ياايةوالله عيب
تحياتى وتقديرى
بصى يا اية اللى بيقل ادبه على الناس بدون سبب بيبقى انسان عنده نقص
فى الحالة دى ان خرج العيب من اهل العيب الى نهاية المثل الشهير
وللاسف فى ناس بتقل ادبها وهى فرحانة وحاسه انها بتعمل عمل بطولى ولو قولتى عيب يبقى استحملى ما يجرى لك
ربنا يرحمنا
تحياتى
وَاتَّقُوا يَوْمًا تُرْجَعُونَ فِيهِ إِلَى اللَّهِ
فعلا لو كلنا اخدنا بالنا من المعنى ده
هنبقى افضل
ربك يهدينا ياااااارب
دعواتك
وامتحناتك شغاله ازاى؟؟
عندك حق
ياريت بجد نخلص من المرض اللي اجتاز حدوده ده
وفعلا بأه في ناس تهزر مع بعضها بالشتايم كإنها نكته وبتتقال
فعلا في ناس محتاجين حاجة تفوقهم
تحياتي
المسألة ذادت أوي وخرجت عن نطاق المعقول بجد
ربنا يهدي
الناس دلؤتى مؤمنه بمبدأ انا اشتم اذا انا موجود
ده الصحاب علشان ياخدوا على بعض لازم يكونوا بشتموا بعض اسوأ شتايم
عشم يعنى
ربنا يعافيهم
تحياتى
الاغنيه مالهاش حل ده على جنب واستهلال لا بد منه
موضوع الشتيمه ده فقدان قدره للتحاور على راى المثل مالقوش فى الورد عيب قالو احمر الخدين
موضوع الهزار بشتيمه الام والادب نقص فى التربيه بس خلاص
صعب نخلص من العادة دى بس الموضوع ببساطة اختلاط المفاهيم وضياع كل القيم وضياع الدين كمان
تخيلى لو كل واحد تخيل ان في على اكتافة رقيب وعتيد تفتكرى هايتكلمو كدة!!
المشكلة اننا بنلقط بسهولة...
يعنى لما تقعد مع ناس بتتكلم كدة
فى الاول هاتعترض وفى الاول هاترفض
وحبة حبة هتلاقى لسانك لقط...
ربنا يهدينا ويهديهم
ازيك يا آيه
و الله فرحت إني لقيت لك جديد
موضوع حيوي اللي بتتكلمي فيه
أتمنى يلقى استجابه
بالنسبه ل " لو تعرفوه " إيه اللي ممكن يغضب ربنا في إنه واحشك ؟ طيب طالما مش بتحبي تغضبي ربنا بيوحشك ليه ؟
بالنسبه ل " خارج نطاق الأدب " أنا معاكي قلبا و قالبا ف المثل اللي ف الأول
استمري
تحياتي
سلام
مدحت
اسلام ايه بقى
كل سنة وانت طيب
وعقبال البكارى
يا ابنى الاسلام ده بقى مجرد كلمة فى البطاقة
بجد ربنا يعفو عنا ويطلعنا من الزمن ده بقى على خير
نورتنى
DESERT CAT
بصى
فى ناس بقت بتعتبر ده رمز الكبر
يعنى انا اسب فانا كبير
شكرا لمرورك
وربنا يعفو عنا بجد
بطوط حبوب
ازيك يا دكتور
انا بخير وامتحاناتى لسه مش دلوقتى
المهم بجد لو فهمنا انه ربنا رقيب وعتيد وانه عيب اوى يبقى ربنا شايفنى واقوم سبة دين
عيب
شكرا يا محمود لوجودك
white heart
زى اسم كده
واضح ان قلبك ابيض
تفتكر ايه ممكن يوقف المرض ده
اذا كنت انا بشفو اهالى بيربو ولادهم على انه برافو يا حبيبى لازم تشتموا بعض وتخدوا حقكم
اوعوا تسكتوا
يالا
ربنا يرحمنا ويقدرنا اننا نرجع الاخلاق كبند اساسى فى التربية
المفقوعة مرارتها
فعلا الموضوع بقى اوفر اوى
ربنا يهدى الجميع
baker
ده رايى فعلا
الموضوع بقى صعب ويغيظ
شكرا لوجودك
اهلا بك
رئيس الجمهورية النفسويه
شكرا اولا لزوقك
وطبعا الاغنية ماتجيش من بعد زوقك فى الاغانى
تسلم لتواجدك
وبصراحة اوجزت فانجزت
شكرا يامحمود
el gazaly
عندك حق
انا مش بقينا نفكر بنقول ايه
بقينا بنتفوه باى كلام
واه من زلات اللسان
اشكرك لمرورك الجميل ويارب دايم منور المدونة
الاتربى اللولبى
سعيدة بارائك فى كل البوستات
وموضوع اغاب ربنا مالوش علاقة بانه واحشنى
انا اضطريت انهى الارتباط
لانه مش ارتباط رسمى
يعنى مش صح
ونتيجى انهاء هذا الارتباط هو بقى واحشنى اوى
بس
ادى الحكاية كلها
نورنى
Post a Comment