ايوة بحبك وبحب حبك
ايه ؟ عندك مانع
ايوة بسهر ليلى بفكر
ها؟..عندك مانع
وناوى اعيش العمر جنبك
برضه لسه عندك مانع
حبك ليا احلى خيال
مالى عليا وليا الحياة
ايه تانى....عندك مانع؟
قلبك تاج وجو عنيا
بحبك وردة وشجرة وظلة
ساعة عصرية هادية وصافية
...........لا
اوعى تقولى عندك مانع
بحبك اوى ميت الف مرة
وهافضل اقولها انا ميت مرة
حبك بذرة فى ارض خضرا
طرحت خير يا قلب ابيض
حياتى ليكى يا احلى قصة
ينفع اقول (عاشقك) بالمرة
.........واوعى
اوعى تقولى عندك مانع
============================
الكلام ده انا كتبته ساعة صفا لما كنت بقراء القصيدة الى كتبها
فى مدونته،وهى بنفس العنوان
مكنش قصدى اقلده بس عجبتنى الفكرة
ووريته الكلام
ومع انى كنت شايفه انه بجد سخيف الا ان مدحت اصر وخلانى اوعده انى احطها فى المدونة
فا....يارب تعجبكم
ولا ايه ؟
عندكوا مانع؟؟
26 comments:
يا سلام على الكلام
يا بخته يا ستي
تحياتي
حتى ان كانت نوع من التقليد فهى ورعه بجد احساسك عالى قوى ولو عنده مانع اقطعه تقطيع انتى تامرى
ههههههه
انا كنت هقول لك الكلام ده في شبهه في مدونة مدحت
بس لقيتك عارفه
بجد كلام جميل والفكرة تحفه والكلام عجبني فيه براءة الحب
تقبلي تحياتي
لا ما عندي مانع طبعا
مش مهم شكل الكلام بس المهم شكل قلب الي قالته
لا معندناش
هو ايه ألى الكلام سخيف؟
الكلام روعه والله
و هو أكيد معندوش مانع بعد الكلام الحلو ده كله
تسلم ايدك على الكلام الحلو ده
تحياتى ليكى
لا حلو بجد ..
واكيد مش هيبقى عنده مانع خالص ..
ده لو عنده مانع يبقى عبيط ..
وانا عازمك على فنجان قهوة فى مدونتى الغلبانه ..
تحياتى ..
أسامة أمين
آيه
أولا إزيك بجد وحشنى كلامك ومدونتك
ثانيا الكلام فعلا هايل وباين كدة إنو نابع من القلب ياترى يا هل ترى فى حد ؟؟
عموما نتمنالك كل خير
آسف بجد على عدم المتابعة الدورية
مشغول شويتين فى الشغل بس بإذن الله فرجو قريب
وعادى بقة
أودى
اية
بجد انا سعيد انك استوحيتى هذا الكلام الجميل بجد
من خلال البوست اللى كتبته بجد ده شرف كبير ليا
والحمد لله انه عجب ناس قرته
كمان
بجد عشرة على عشرة يااية
ولا عندك مانع كمان انه عشرة على عشرة
ههههههههههههههه
الف تحية ليكى ياباشا
اية الكلام الجميل دة
بس والله جميل قوى لما حد يحب ويصر ان حبيبة يحس بية
بجد كلامك بسيط جدا وانا كنت قريت البوست عند مدحت وحقيقي البوستين اروع من بعض
تحياتي ليكي
من اجمل ما كتبتي بجد يا ايه
ربنا يكرمك ويرزقك باللي بتحبيه ويجعل ايامك كلها صفاء ونقاء
على فكرة اسمك ده على اسم حد قريب مني جدا وعزيز علي جدا
دمت مبدعة
الكلام فعلآ جميل جدآ
هو يقدر يكون عندو مانع
بوست جميل جدآ جدآ
تحياتي
hero
تسلم يارب وسعيدة جدا انها عجبتك
نورتنى
محمود
يا عم الطيب احسن
وبجد مرورك اسعدنى جدا
white heart
الاعتراف بالحق فضيلة
والحمدلله انها عجبتك
بس اعترف بتاعتى عجبتك اكتر من بتاعة مدحت
:D
روان
rore
انا عارفة انك دائما رائعة فى تواجدك بجوارى
تسلمى يارب
che the hermit
الحمدلله انه معندكوش
بس مقلتليش عجبتك ولا ايه ؟
شريف طلال
تسلم انت عيونك اللى دخلت وقرت الكلام ده
بجد الله يكرمك على كلامك المشجع
نورتنى
شمو نشادر
وانا اوعدك باذن الله بزيارة لمدونتك
بجد اسعدنى وجودك
اودىىىىى
حمدالله على السلامة يا محمود
ايه فينك يا ابنى ؟
ولا يا خويا لا فيه حد ولا بتاع
احنا سينجلز للابد
نورتنى
ويارب اشوفك بقى تانى هنا ومتختفيش زى كل مرة
نورتنى
عزيزى مدحت
انا بجد اللى مش عافة اقولك ايه انك سمحتلى انى استخدم فكرتك
وانا والله مكنتش هنشره انا بس كنت بتفاعل مع اللى انت كتبه
شكرا انك اتحت ليا الفرصة ديه
وانا طبعا ماجيش اى حاجة جنب كتباتك
بجد تسلم وشكرا لتواجدك الجميل
ايويتى
تسلمى يارب
ربنا يباركلك
ومافيش احلى من الحب
سارة البحر
الله يكرمك يارب
وانا مبسوطة انك نورتينى
ويارب متكونش اخر زيارة
نورتى
صاحب المضيفة
والله ده شرف ليا يا فندم
وشهادتك اعتز بيها
واللهم امين
امين
امين
على دعائك
بجد نورتنى
emy
العزيزة الغالية الطيبة الوفية
ازيك يا جميلة
بقالى كتير مشفتكيش حاسة انى مفتقداكى
تسلمى يا جميلة على كلماتك
نورتى
Post a Comment