حسبى الله ونعم الوكيل
حاولت اعمل بنصايح كل الناس وابستم للحياة
بس ابتسم ازاى وكل يوم بتموت الف بسمة امل على وشوش اطفال مالهاش ذنب
ازاى يعنى اضحك وفيه مئات الامهات الثكالى بتبكى
ازاى انام وغيرى صاحى تحت صواريخ وتحت حصار النار
ازاى يا عرب تسكتوا وغزة بتدمر
ازاى يا بئس الرؤوساء تخرسوا ودمنا بيسيل
مالكم يا عرب ؟
فيكم ايه؟
مش هتفوقوا من وكستكم ديه ابدا
مش هتصحوا وتعرفوا انكم فى خيبة ما بعدها خيبة
من هنا
ومن مكانى ده
معنديش غير كلمتين
حسبنا الله ونعم الوكيل
وجتكم ستين نيلة يا عرب
دانتم اسواء من اسرائيل
حسبنا الله ونعم الوكيل فيكم
يارب كنتم انتم اللى بتضربوا بصواريخ مش الابرياء
ربنا يورينا فيكم مذبحة زى المذبحة اللى حاصلة ديه
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
-------------------------
10 comments:
وبرضه فى الاخر مضطرين نعيش ونعمل نفسنا فراحنين
وبين كل شويه وشويه نفتكر الى بيحصل فنقول حسبى الله ونعم الوكيل
احنا ضيعنا فلسطين ولبنان والعراق والدور الباقى على مين
حسبى الله ونعم الوكيل
بجد المره دى المهزله وصلت فوق كل الحدود
انا مش متخيل اننا برده مش هنتحرك
و لسه أخرنا
مصر تدين
مصر تندد
مصر تستنكر
يا حبه عين امها.. ده أخرها يعنى
بجد انا مضايق جداً لألى بيحصل ده و حسبى الله و نعم الوكيل بجد
شكراً ليكى
تحياتى
حقيقي مش لاقي كلام اقولو
حسبنا الله ونعم الوكيل
حسبنا الله ونعم الوكيل
حسبنا الله ونعم الوكيل
:كل الوضع ينحصر في قصيدة أحمد مطر
لمن نشكو مآسينا؟
http://www.adab.com/modules.php?name=Sh3er&doWhat=shqas&qid=69262
ولا أكثر
ماشى انا معاكى العرب سلبين بس ايه الععمل فكرى معايا فى حل احنا الشباب فى ايدنا نعمل ابه غير الدعاء والتبرع انا حاسس مكانى انى عاجز بس ايه الحل نتظاهر وبعدين مين هيسمع مفيش توجيه لطاقتنا حد يعرفنا ايه الحل ايه العمل
البوست رائع على فكره تحياتى
متى يعلنون وفاة العرب ؟
والنبى لما يعلنوا يا ايه قولولى اصلى نادر ندر اروح واعزى وارش الارض سكر وليمون وخوخ وافيون
والنبى لما حد يقولك ع الخبر متسعجبيش
ايه فايدته ان اعيش
بدون ما اعيش
مش لاقى حتى طعم العيش
والمهم اللى هايدوه اليهود من بقشيش
واللى يروح فى الهيش ؟!
هما هايعلنوا ولا هيكتموا ع الخبر
هيعطوا ولا يقولوا دا حكم القدر
هيدافعوا ولا هيحاربوا الشمس والهوا والمطر
اكيد هايقولوا اصل الجثة ريحتها
هتفــــــــوح
مع كل لــــــوح
هيعفن ويينتن
وكل جبان
وكل سفوح
هتفوح
ايه دا
ما هى فاحت خلاص
تصدقى
طب شمي كدا
!!!!!!!!!
كريم بهي
مدونتك هايلة بجد
تسلمى
الله اكبر الله اكبر
تحيا مصر
ايه يا بنتى اللى انتى بتقوليه ده
طبعا حسبي الله ونعم الوكيل
بس احنا بندن فى مالطة
احنا ندعى لليهود ان ربنا يهديهم
هتقولو ازاى انت بتدعى ليهم
أقول لكم ان الرسول لما كان بيدعى فى الحروب كان بيدعى للعدو بان ربنا يهديه مكنش بيشتم فيهم ولا حاجه
يلا خير
بس خلاص
نعمل ايه ....لا نملك الا الدعاءلهم
دكتور محمود
آية
شريف
سوووو
الاستاذ
رومانتيك
كريم
موناليزا
محمد
جنة او جانا
الناس اللى اول مرة تدخل البلوج
نورتونى
والناس اللى بقالى كتير مشفتهاش ف6ى المدونة وحشتونى
الناس اللى دايما موجودين جنبى
نورتونى
الناس اللى مكبريين دمغها ومنفضين لغزة واللى بيحصل فى العالم
الله يخربيت اللى يزعلكم
قرفتونى
وفى الاخر اسفة انى اتاخرت فى الرد
بس بجد مكنش عندى غير
حسبى الله ونعم الوكيل
ولازلت لا املك سواها
فا
حسبى الله ونعم الوكيل
Post a Comment