من مذاكرات واحدة مهيسة

الكلام ده مستقطع من ذكريات ومذكرات واحدة مهيسة

يعنى كتبته فى اوقات كنت بعلق على احداث حصلت او سمعتها

وسيداتى انساتى سادتى

اليكم ما ورد الينا من اخر التهيسات

انا مش عارف اتغير كل ماقول اتغير
تحصل حاجة ترجعنى عن كل اللى انا ناويه
كل ما اقول انا هابدا اعيش حياتى بمبدا
برجع باضعف تانى ومش بس انا بضعف اوى
ايوة بفوق لما بروق واحاسب نفسى بكام سؤال
وارجع اقول مافيش مخلوق مبيغلطش ده شيئ محال

ده كان تامر حسنى

بالاشتراك
معى

-----------------------------
ماما قالتلى ممكن اخد العربية يوم السبت
طب يوم الحد والاتين اللى هما الزحمة اعمل ايه ؟
ااقضيها مترو وخلاص بقى
عشان هيا مش هتردى تدينى فلوس التاكسى

----------------------------

واحدة صاحبتى ارتبطت بكذا ولد
مش مرة واحدة... لا
بس كل مرة ترتبط بتختار ناس صعبة اوى
معرفش بتحبهم ازاى يعنى
وتيجى تسالنى ايه رايك ؟؟
مش ببقى عارفه اقولها ايه .
مش معقول كل مرة اقولها

ما اسخم من ستى الا سيدى

------------------------------
محمود بقى مهندس
وبقى عامل فيها استاذ دكتور مهندس محمود
وكل ده وهو فى سنة اولى
امال فى البكالريوس هيعمل ايه ؟؟؟
------------------------
نفسى يا آية ترحمينى وتمشى على الريجيم اسبوع واحد بس..
ده الدكتور بتاع الريجيم بتاعى
الراجل قرب يسيب مهنته بسببى
كل مرة اروحله عامله مصيبة
مرة واكلة فطير بالكريمة
ومرة واكلة كورودن بلو من هارديز
ومرة واكلة كشرى
ومرة واكلة اتنين شوكلاتة جالاكسى
تفتكروا ممكن يعمل فيا ايه لما يعرف انى
اكلت كيكة وجاتوه وسلطات بالمايونيز وبيتزا
وشربت بيبسى فى عيد ميلاد بنت خالتى؟؟؟
-----------------------------
انتى معقدة وغلسة ومجنونة وكئيبة ودمك تقيل.!!
ديه كانت كلمات احمد زميلى لما كنت فى مود اكتئاب عشان مشكلة حصلتلى فى الكلية
الفكرة انه تانى يوم انا بقيت كويسة
كنت بقول لاحمد...
انت بقيت كئيب ودمك تقيل وغلس
بطل اكتئاب وسيبك من اى مشاكل ممكن تقابلك وارجع هرج تانى معانا

!!!!

وهكذا يتم اثبات ان الدنيا دواره

-------------------------

صاحب البيت رفع علينا قضية فى المحكمة
ومصر يكسبها
ومش فاهم ليه كل مرة قبل الحكم النهائى كان بيخسر الدعوة
تفتكروا كان رافع علينا قضية ليه؟؟
بيقول اننا قال ايه :::: هدينا الحيطة اللى بين الحمام و المطبخ!!!
--------------

بنت بنت خالتى اللى تمت 9 سنين
تفتكروا كان ايه طلبها بالنسبة لهدية عيد ميلادها
اخشى انه انا مكنتش فاهمة هو ايه لغاية سنيتن فاتوا
بس هيا بكل بساطة طلبت
Mp3
ولسخرية الاقدار
لقد حصلت عليه
-------------------------

تحديث للخبرية اللى فوق
بنت يبنت خالتى ذات ال 9 اعوام واختها ذات ال6 اعوام
لديهما تليفون محمول
وليس ذاك الذى يغنى و ينور
ولكنه يبدو انه احدث مما احمل انا
و....
عجبى
--------------------------

ماما بتقولى انى مش هنفع
وبابا بيقول انى فاشلة
وصحابى بيقولوا انى عبيطة وهاطلة وطيبة زيادة عن اللزوم
وفى نفسى الوقت
مكبرة للدنيا
وولد زميلى قالى انى اكتر بنت مكبرة دماغها هو شافها فى حياته
وخبرة زميلى هذا مع البنات تستحق الاشادة
وقد وصفنى احدهم قائلا انى بريق الالحان

ولكننى حقا انتشى من السعادة عندما اسمعه ينادينى بــ

(عسولتى)
----------------------

** مالك لابس بتنجانى كده؟
## اصل الدنيا مسقعة !!!
ده كان حوار بين واحدة صحبتى خفيفة
ولد معاها فى الكلية دمه شربااااااااااااااات