بسم الله الرحمن الرحيم
اخوانى البلوجرززززز
كل سنة وانتم طيبين يارب
شهر 9 ده شهر جمييييييييييل جدا
اولا لانه فيه شهر رمضان حبيبى
انا بموت فى الشهر ده
بحس انه اجمل شهر فى السنة
وساعات بتمنى انه يبقى طول السنة رمضان
وارجع اقول لا
كده هو مميز
شهر واحد
بجد الشهر ده بتحس ان موجة عارفمة من الهدوء والحب والسكينة والطمئنينة بقوا فى قلبك
بتحس ان كل حاجة بتقف فى الدنيا
المشاكل والزعل والضيق والهم
شهر جميل
تحسه ان االشوارع مزينة والناس بتضحك
وكله جميل
وغير كده بقى ماى عيد ميلاد فى شهر 9
وده طبعا يوم تاريخى
كفاية انى جيت للدنيا ديه
----------------------
المهم بقى يا شباب
بما انى كان عندى زهايمر وكنت عاملة بيات صيفى
قعدت اعصر نفسى وافتكر مين فى المدونين بعتلى تاج وقالى عليه وانا نسيت
الهم فضلت ادور
الهم فضلت ادور
لقت تاج عن مدحت محمد من شهر مايو
لكن مش هو ده اللى بدور عليه
معنا كده انى لازم ابدا علاج
المهم انا هجاوب التاج
بسم الله توكلنا على الله
---------------------------------
السؤال الاول
اذكر خمس أحلام على الاقل ..تخص ماضيك وتحلم فيها بتغيير اشياء ..ماذا ستعدل وماذا ستترك؟؟
1- انى اكون صيدلانية
1- انى اكون صيدلانية
والحمدلله انى مبقتش كده
2- انى ابقى رفيعة خالص كده زى العروسة باربى
هههههههبس ليس كل ما يبغيه المرء يدركه
3- انى يبقى عندى اوضه لونها لبنى وتكون كلها دباديب
جبت الدباديب ناقص اللون اللبنى
4- انى العب تنس وابقى حاجة كويسة كده فيه
بس الحمدلله لعبت بلى مسافات طويلة
5 -انى ارضى امى وابويا وربنا قبل كل شيئ
ولازال العمل على تحقيقه مستمرا ونأسف للازعاج
السؤال التانى
أذكر خمس أحلام على الاقل ..تخص مستقبلك
1- انى اتجوز انسان متفهم وهادى ومتدين ويراعى ربنا فيا ويحبنى
2- انى يبقى عندى اربع اطفال بنتين وولدين
سيف ويوسف وايثار وجانا
3- ان بيتى يكون بيت مسلم هادئ كله حب وسعادة وضحكات تملاء جدرانه
4- انى مشتغلش ومتكونش حياتى المادية فى حاجة انى انزل اشتغل
5- انى لحد ما اموت اتجنب اى خناق بصوت عالى مع جوزى او اولادى
وان بيتى يكون مالوش حس ماعدا الضحكات وصوت القرآن طبعا اساسى
السؤال التالت
أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن
ياسمين صحبتى اللى ساعدتنى كتير فى حياتى
واحمد صديق عزيز وحد بحترمه كان نفسى اقابله قبل ما يبقى غير قابل للحب
السؤال الرابع
أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا
جدتى الله يرحمها
كان نفسى تكون موجودة وتنصحنى وتفضل تقولى يا آية متزعليش ماما
كان نفسى تكون موجودة تسأل عليا قبل اى حد بعد كل امتحان او مرض
مع انها كانت كبيرة فى السن الا انها عمرها ما نسيت اى امتحان عليا
كانت نفسى تبقى موجودة وتقول مع اولادى قصيدة رثاء الخنساء
وجدو
لانه كان راجل بمعنى الكلمة
نفسى كان ياخدنا يفسحنا زى ما كان بيعمل دايما
وحشونى اوى
امرر التاج للى يعدى ويقراه
29 comments:
احلامك جميله و بسيطه يا آيه
ربنا ينولهالك كلها يا رب
بس كلمه سر فى ودنك بس من غير زعل عن احمد الذى لم يعد يصلح....خلى بالك لان احيانا بنقنع نفسنا بشيئ و نستخبى من امنيات مانقدرش نقولها بصوت عالى
حافظى على الخط الرفيع
يا ريت ماكونش ضايقتك ..اعتبرينى اخت
على فكره انا حليت الواجب ده قبل كده
السلام عليكم ورحمة الله وبركاته
اولا كل سنه وانتى طيبه رمضااان كريم
وكل عام وانتى جيده والى الله ااقرب
بمناسبة عيد ميلادك
وبخصوص الاحلام
اهى قربتنا من شخصيه لذيذه
قربتنا من انسانه من العالم الافتراضى
تحياتى
احمد سكر
اقولك روحى عند الراجل بتاع الدهانات ودربى اللون انتى اللى عاوزاه وادهنى الاوضه بتاعتك اى خدمه والله اتسلى فيها لو قاعده فى البيت الموضوع مش هيكلفك وابقى ادعيلى هههههههه
ربنا يحقق امنياتك وكل سنه وانتى طيبه
اجابات رايقة من شخصية رايقة
عودا حميدا للتدوين بعد الغياب الطويل نسبيا
رمضان كريم
مبروك التاج الف مبروك
كل سنة وانتى طيبة
مدونتك فيها روح مرحة و متفائلة إلى أقصى درجة
بجد رسمتي البسمة على وشوشنا
تحياتي
KING TOOOT
كل سنة وانتى طيبة يااية
ورمضان كريم
كل سنة وسموك طيبة بمناسبة رمضان وربنا يعود عليكي الايام بالخير والصحة والسعادة
وكل سنة وانتي طيبة مرة تاني بمناسبة عيد ميلادة وعقبال 100 سنة يارب.. ويارب تحققي 99% من احلامك.
تقبلي مروري وخالص تهنئتي
تحياتي
ربنا يحقق لك كل احلامك
وتتعملى التنس
ومش مشكلة الصيدلة جربى فى اللى تعرفيهم
:)
أسأل الله الذي لن تطيب الدنيا إلا بذكره
ولن تطيب الآخرة إلا بعفوه
ولن تطيب الجنة إلا برؤيته
أن يديم ثباتك ويقوي إيمانك وصحتك
ويرفع قدرك ويشرح صدرك
ويسهل خطاك لدروب الجنة
وأن يجعلك من عتقائه من النار
ومبروك عليك شهر رمضان
ربما قد يهمك زيارة مدونتي لست ادري تماما فلتقرري انتي
كل سنة وانتي بخير
ورمضان كريم
بس التاج ده مدحت بعتهولنا من زمان قوي
تحياتي
كل عام وانت بخير
ويارب يحقق لك كل احلامك وامانيك
ونشوفك سعيدة
تقبل الله منا ومنك
واللي سمع اسمه بس ه
آيه
أحلامك جميلة جدا ومنطقية ما عدا
إنك تطلعى صيدلانية دى
ههههههههههه
ربنا يحققلك أمنياتك يا رب
حتى الصيدلانية
مش بعيد من عارف
أنا كنت عاوز أقولك بس إنك وحشتينى
عادى بقة
أودى مشغول
أيه
كل سنة و انتى طيبة و لو انها متأخرة
انا كمان بحب شهر سبتمبر لانه شهر ميلادى
بحس كل اللى اتولدوا فيه حساسيين جدا و بيحبوا الخير و عندهم لمسه فنية
اكتر حاجة لفتت نظرى فى التاج رغبتك ان ربنا يغنيك عن العمل يا رب يحققلك الستر و الصحة و متحتاجيش للنزول من بيتك و التضحية براحتك و راحة اولادك بعد كده ان شاء الله
كانت وجهة نظرى زيك و غيرتها بس من كام سنة لما شفت ان دوام الحال من المحال و ان العمل سلاح ممكن يخلى المراة حرة تغيير حياتها زى ما تحب و تستغنى عن اللى تخلوا عنها
تحياتى لك و مرة تانية كل سنة و انتى طيبة و يا رب كل يوم فى عمرك احلى من اللى قبله
مساء الخير يا شباب
اتاخرت انا اوى اوى فى الرد
ولكن ها انا عدت
عودة الندلة انا عارفة
ونبدا فى الرد
بسم الله الرحمن الرحيم
Mohra
عزيزتى
نورتى المدونة
وانا الى حد ما متفقة مع همستك
تسلمى اختا غالية
يارب دايما منورانى
ا/احمد سكر
حقا اخجلتنى كلماتك
تسلم حضرتك
وكل سنة وانت بخير وصحة وسعادة
نورتنى ويارب دايما مشرفنى
appy
ياريته بايدى يا بنتى
احنا البيت بتاعنا يومه بسنة
والله اعلم امتى ساحصل على امنيتى
منورانى يا قمراية بجد
اهلا بيكى
صاحب المضيفة
تسلم حضرتك
وربنا يكرمك
بس انا ابعد ما يكون عن الروقان والله
ديه كلها امنيات
وكم اتمنى ان تكون هى الواقع
ولكن ليس كل ما يتمناه المرء يدركه
عروسة ننوسة
اهلا بيكى يا حبيبتى
والله يبارك فيكى يا اختى عقبالك
لولولولولى
وانتى بخير يارب وبصحة وسعادة دايما
King tooot
ديه حاجة تخلينى اطير من الفرحة انى اقدر ارسم بسمة على وشوشكم
بجد اسعدنى مرورك
ويارب دايما منور المدونة
مدحت محمد
انت فين يا ابنى
يارب تكون بخير
وتسلم للتعليق يا فندم
ونورت المدونة
وانت طيب وبصحة وسلامة
فى حب مصر
عجبتنى اوى سموك ديه
فكرتينى بفؤاد المهندس
طويل العمر يطول عمره ويزهزه عصره وينصره على مين يعاديه
هاى هيئ
ههههههههههه
تسلم يا فندم على كل الدعوت والتمنيات ولك مثلها جميعها
نورتنى
نهر الحب
الله يكرمك
ولك مثل كل تلك الدعوات الرائعة
جزاك الله خيرا
نورتنى
jack sparrow....rain man....انكيدو...ميدو ....امير العزلة ...
وغيرهم من اسماء تعلقت بها
رمزت دائما الى عالم اعشقه من الكتابات الساحره
سعيدة بوجودك
ولو كان عابرا فقط كدعوة
وتمت الزيارة صديقى
نورتنى
white heart
اعذرنى عشان انا عندى تاخر
المهم انى جاوبته
منورنى دايما
اهلا بيك
سيادة اللواء العقيد الجنرال طهقان باشا بيه دكتور استاذ
اين انت ؟
انا قلت اتخطفت
تسلم يارب لكلامك ولك مثل امنيتك يارب اللهم امين
يارب دايما كده واخد بايدى ومنورنى فى المدونة
محمووووووووووووووووز
كيفك يا ولد العم
انت ايه حكايتك
بتغطس فين بالشهر والاتنين؟
ياعم نورتنا ياعم والف حمدالله بسلامة
وخلاص متطلعتش صيدلانية
طلعت بسلطانية
الحمدلله
متتاخرش بالله عليك كده علينا
ام منة الله
تسلمى يارب على زوقك
وبصى انا معاكى فى انه بيحسس المرأة بكيانها المستقل وكل الحاجات ديه
بس احنا عارفين انه
رحم الله امرؤ عرف قدر نفسه
انا عشان ابقى صريحة مع نفسى
مبعرفش ابدا اركز 100% مع حاجتين فى نفس الوقت
يعنى يا اشتغل ياما اربى عيالى
وانا عيالى ان شاء الله ربنا يدينى من فضله اهم عندى من الشغل
عشان كده امنيتى ان ربنا مش يحوجنى ابدا للشغل
وربنا يكرم الجميع
ويكرمك على مرورك يا فندم
ويارب دايما منورانى
وسلامى لمنة الله
Post a Comment