مممممممممممممممممممممم
بعد تفكير عميييقققق اوى اوى لحد ماطلعت بترول
عشان الاقى فكرة حلوة وطريقة متزهقوش وانتوا بتقروا البوست الجديد
قلت ان احسن طريقة اكون على طبيبعتى
طبعا اسم البلوج يحسسك انها احدى روايات ملف المستقبل للرائع نبيل فاروق
ولا تكون ماوراء الطبيعة لاحمد خالد توفيق
بس للاسف هيا لا كده ولا كده
ديه قصة جديدة نوفىىىىىىىى
بتاعت آية
وبتاعت كل بيت فى مصر فيه شباب
آية الهوبا من امام الشاشة فى اول عرض سنيمائى لها تقدم
ان
ان
ان
اااااااااااااااااااااااااااااااان
تش
الفجوة
عن قصة وسيناريو وحوار جيل 2007 ومن هم تحت ال25
او ال30
عشان منزعلش حد
الاب: يا بنى ايه طريقة الكلام ديه..احترم نفسك انا ابوك
الابن:ايه يا بابا متخليك روش وتصحصح معايا ..بقولك اب بالمعلوم..بدل ما اكمره وانت نايم
الاب : حسبى الله ونعم الوكيل فى ده جيل .. الله يخربيت النت والى بيجلنا من وراه
بذمَتك او بذمِتك متعرضتوش لموقف زى ده
سيبكم من انى فاشلة فى التاليف
وسيبكم من انى مش على دراية كافية باللغة الحديثة
لكن اكيد اتعرضتوا لمواقف مشابها
وهى ديه قصتى
ده موضوعى
وديه المشكلة اللى احنا واقعين فيها
جايز امة لا اله الا الله اتكلموا فى الحوار ده
وانا مش هاحله ولا اقولكم فكروا فى حل
انا بكلمكم من باب الفضفضة
من باب الترويح عن النفس
كامن مرة نزلت ورزعت الباب وراك وانت مش طايق نفسك من الكملتين بتوع كل يوم دول
مش بزمتك كنت حاسس انك عايز تسيب الجمل بما حمل وتشوف حالك
ليه وصلنا للمرحلة ديه ؟؟
ليه فقدنا قدرتنا على التفاهم والتحاور
هل ده لان مع كل جيل بتقل نسب الصبر والتفاهم
هل لاننا بعيد عن الدين؟؟
انا واحدة حاسة انى بعيدة عن اهلى
مش عارفة اتحاور معاهم
مافيش بينى وبينهم اى قنوات اتصال
بقت الحياة عبارة عن رفض وتمرض وعناد واصرار على اخضاعنا لاوامرهم
بجد بقت الحياة مهزلة
انا نفسى احل المشكلة ديه
لكن مش هاعمل نفسى فيلسوفة وانصحكم
لانى انا عايزة اللى ينصحنى
مش شرط اكون غلط
لكن انا الصغيرة
يعنى انا اللى لينة اكتر
ومفروض انا اللى اسايسهم اكتر
واسمع الكلام
بس مش بعرف فى اوقات كتير
مش حساهم بيفكروا زيى
ولا شايفين الحياة من مفهومى
ومش عارفة ايه الحل؟؟؟
قولولي بقى؟
انتم زيى كده؟
ولا عندكم حلول
وكان الله بالسر عليم
استودعكم الله
the end
6 comments:
على فكرة المشكلة دة مهما اتكلمنا عنها مش هتتحل عارفة لية لانها مشكلة البشر على فكرة لو سالتى بابا او ماما فى لحظة صفا كدة هتعرفى ان كان بينها وبين اهلها نفس المشكلة
عارفة افتكر ت دلوقتى كلام كان قالة الملحن محمد نوح
ان والدة كان بيقولة اية عبد الحليم دة فين ايامك يا عبد الوزهاب
وان الجد كان يقول اية عبد الوهاب الى بتسمعة دة فين ايام عبدة الحامولى والسروجى ولا صالح عبد الحى
وانتى بكة تقولى الولادك اية الى بتسمعوة دة فين ايامك يا عمر يا دياب
الحوار؟؟؟!!!!
ده شئ انقرض يا اختشي
اوروفوار
صباح الخير أو مساء الخير حسب وقت قرائتك للكومينت
بالنسبة لفكرة اللغة المشتركة بينا وبينهم أنا عندي تجربة نجحت أحب أقول لك عليها
الكوميديا
أه والله .. التهريج مفعوله مضمون بس في حدود الأدب
انا علاقتي بأبويا علاقتي بواحد صاحبي
وصابي الأنتيم كمان
وعلاقتي بأمي علاقتي بأختي الصغيرة
زمان كان في مشاكل والدنيا مقلوبة
بس حبيهم بجد وأقفي بره علاقتكوا واتفرجي عليها
هتلاقي ان في حاجات لازم تعمليها عشان يعملوا اللي انتي عايزاه
م الآخر
مفتاح العلاقة الناجحة أذن ولسان
الأذن الأول يعني نسمعهم
واللسان نتكلم بناءا ع اللي سمعناه
بالمناسبة قلقك على العلاقة دي أول خطوة عشان تحليها
انتي بدأتي تحليها بجد
آسف للإطالة
ده الشئ الطبيعي و بيحصل بين كل الاجيال
بس هو يعني ايه حوار ده
يااااه يا بنتي جيتي علي الجرح لسا من شويه خناقه كل يوم بس عادي هي عايزه مصلحتي من وجهه نظرها وانا مش شايفه ان وجه نظرها دي صح او كتير بتبقي صح وانا اللي بستهبل قال يعني
تحياتي عايزه بوستات ككتير بقي
ماينفعش يا ايه انهم يفكروا زيك بالظبط و مش مطلوب لان كل واحد من جيل لكن ينفع نوصل لحل وسط اولا طالما مش بنخالف اللى ربنا قال عليه فكده مشكله كبيرة اتحلت ثانيا كل واحد يحاول يحط نفسه بجد مكان اهله ويحاول يفكر هما بيعملوا كده علشان يقرفونى وبس ولا قصدهم فعلا مصلحتى وساعتها هانخد كلامهم بحده اقل شويه ونحاول نطلع لتفكيرهم على شرط انهم كمان يحاولوا ينزلوا لتفكيرنا وساعتها الدنيا هتبقى اهدى كتير ..... اسفه انى طولت عليكم
Post a Comment