التاج التاج التاج
واييييييييه
ااااااااااه
ااااااااااه
تاج ده جايلى يا جماعة من الاختين الحلوين كوكا وايمى
ونقلا عن الفاتحان الجعفرى واليعقوبى
المههم
ادى التاج
ادى التاج
وادى الله وادى حكمته
بسم الله وتوكلنا على الله
لو مكنتش مصري بس عربي كانت هتبقى إيه نظرتك للمصريين واللي بيحصل في مصر دلوقتي؟
هو والله مش هيبقى شعور واحد
هو هيبقى مزيج ما بين احساس مابالغيظ من سلبية المصريين
والنسبة التى لا تصدق اللى وصوله ليها من اللامبالاة والسلبية وانعدام الاحاسيس
وايضا شعور كلى بالاحباط مما آلت اليه صورت اولى الامر من فساد وضياع وسلبية فى التوجيه والارشاد
وابتعاد ارض الازهر عن الدين الاسلامى
حقا شعور مؤسف
لوكنت أوروبي أو غير مسلم هتبقي إيه نظرتك للعرب والمسلمين؟
همجيين ويفتقرون لتفكير المنطقى العاقل المنظم
محتاجين اشارة مرور
بس مش بتاعة مصر
ولكنهم ذوى قضية وحق
يطالبون بحقوقهم من ناحية
ومن ناحية اخرى يفتعلون كل السبل لضياعها
شعب عامل دماااااااغ جامدة
ومحتاج اللى يرشه بجردل ماية
وايدكم معايا ندعيله ان يفوق من السطل ده
لوقالولك إنت بقيت رئيس جمهورية هتعمل إيه؟
بكل فخر وشرف وسعادة
بكل فخر وشرف وسعادة
هتنحى عن المنصب لمن هو اجدر منى بذلك
اتباعا لمنطق
(من قال لا اعلم ..فقد افتى)
لوسمح لك برؤية الرسول عليه الصلاة والسلام وإنك تقوله كلمة واحدة ؟
بالله عليك ....سامحنى
بالله عليك ....سامحنى
لو كنا في عصر ازدهار الأندلس كنت تتخيل نفسك إزاي؟
احد اتباع ابن رشد
والله يا جماعة الراجل ده كان دماغ
وبجد كان من اروع القضاه
وكان انسان محترم
على رايى شباب الجامعات
(كان فاهم مش حافظ)
لو خطبت واحدة أو اتخطبتي لواحدوأثناء الخطبة اكتشفت أو اكتشفتي إن الطرف الآخرغير قادر على الإنجاب هيكون ايه تصرفك؟
الانسان على بعضه بيكون زى الطرد
وزى ما بيقول الغرب
human beings are like a packages
take it!
or
leave it!!
يعنى لو انا بحب انسان وهو ده عيبه
يبقى ده قدرى ونصيبى
وانا هتمسك بيه لاخر لحظة
لو طلعت القمر هتكتب عليه ايه؟
لو طلعت القمر هتكتب عليه ايه؟
سبحان الله
(والقمر قدرناه منازل حتى عاد كالعرجون القديم)
عشان كل واحد يطلع بعد كده يعرف ان ربنا صورلنا الكون كله فى القرآن الكريم
وقالنا شكل القمر
قبل ما اى حد يفكر يخترع المركبات الفضائية بمئات السنين
فعلا سبحان الله
لو مررت التاج لحد وماجاوبش هتعمل ايه؟
مش عارفة بصراحة
هافكر فى حاجة اعملها فيه
والى ذلك الحين
يتسحسن كلهم يردوا عليه
تمرر التاج لمين
امرره لــ
كيكو
وعبده محتاس
ومش قادرة
ايوية
اودى
شكرا شباب على التاج
بجد استمتع بيه جدا وانا بجاوبه
12 comments:
أولا كل سنه وإنتى طيبة يا آيه بمناسبة السنه الجديدة
ثانيا ردك على التاج فعلا هايل
شخصية جميلة بجد
ثالثا أقولك إيه بقة دبستينى وحصل إللى حصل
شكرا لأنك أفتكرتينى وعن قريب إن شاء الله هعملو
وعادى بقة
أودى
حلوة اوي اجابتك يا ىية خاصة حكاية جردل المية الساقعة دي
اصل انا شعرت بالحكاية دي وانا في الاجازة اللي فاتت
عندي سؤال هي ليه اشارات القاهرة بقت صفرا بس
كل سنة وانت طيبة يا ستي
اولا شكرا على التاج وهجاوب علية حالا
ثانيا اجباتك كلها تجنن
تحياتى
اودى العزيز
وانت طيبة وبصحة وسعادة يارب
والسنة الجاية تكون اسعد واجمل من السنة ديه
وشكرا على كلماتك
بجد اخجلتم تواضعنا
لم اقم بكاتبة سوى ما يعتمل فى نفسى
مرسيه لمرورك
ويا فندم احنا نقدر ننساك برضه
ومستنيا ردك
وعادى بقى يا ابو حنف
استاذ احمد
بجد ببقى سعيدة اوى لما اشعر ان كلامى المتواضع نال اهتمام حضرتك
واخدت من وقتك شوية
مبسوطة اوى لمرورك
وصدقنى المطافى شخصيا بكل عربيتها لو رشت المصريين مافيش امل يفوقوا
جايو لو غرقناهم فى النيل
وبالنسبة لاشارات مصر
يا فندم الشعب كله ماشى على الحياد
مش عايز الاشارة تبقى محايدة
هما بيحبوا يثبتونا
يعنى لا هيا اخضر وتمشى حالك
ولا هيا احمر ونوقف
بين البينين
فكرنى اشغلهم اغنية لطيفة
بتاعة يا احمر يا اخضر لكن مش اصفرانى
تسلم لمرورك الرائع
ايوشا
او يويا
او يويو
كما احب ان ادلع نفسى
وانا بعتبرك اخخت كبيرة غالية عليا
ليها نفس الاسم الذى اعشقه
نورتينى
وكل سنة وانتى طيبة
واى خدمة انتى تؤمرينى بس
وتسلمى يا قمر على كلامك
ايمي وكوكا سبقوني بس معلش
اجاباتك حلوه كتير وانتي طيبه جدا جدا
دمت يا صديقتي
رورى القمر
شكرا لكلامك عزيزتى
وهاستنى منك التاج القادم
اهلا بيكى يا روان
نورتينى
ردك على التاج هايل و كلامك عجبنى
و شكراً على التاج الحلو
عقبالنا يا رب
ههههههههههه
تحياتى
شريف
منورنى
وتسلم لكلامك
وان شاء الله التاج الجاى همررهولك اول واحد متقلقش
شكر ليك
ايويه
ادينى جيت يا قمر
قلتلك قبل كده انك سابقه سنك يابت
والله بيعجبنى عقلك جدااا
اجاباتك جميله ما شاء الله
إيه التاجات الجامدة دى أنا كنت حاسس ان سيادتك هتمرريه ليا
:'(
ليه بس يا آية
يلا خير مش مهم
المهم أنا هجاوبة بس شوية كده مش دلوقتى أكيد انتى عارفه الشغل مش بيخلينى أعمل أى حاجه
بس ان شاء الله هعمله قريب
جامده الإجابات دى أنا ممكن أستعير منك بعضها
:$
Post a Comment