مش ..عارفة

فراغ

ضياع

توهان

تلت كلمات ملازمنى بقالهم فترة كبيرة

ومش عارفة ليه

بقالى فترة كبيرة حاسة انى مش انا

او انه انا مش معايا

يعنى حاسة انه انا لوحدى مش معايا

فى الفترة اللى فاتت كنت شبه الانسان الالى اللى مش بيفكر

بعمل الحاجات الروتينية اللى متسجلة فى ذاكرتى وخلاص على كده

بعدت عن كل حاجة

بعدت عن التدوين اللى كنت بحبه

وبعدت عن صحابى

اول مرة فى حياتى مسالش عن كل اللى اعرفهم واحد واحد واحدة واحدة

اول مرة احس انى مش عارفة اكلمهم

بامسك الموبايل وافضل متنحاله

مش عارفة اتكلم اقول ايه

حاسة ان كل قدارتى العقلية راحت

اللى حبيته وبحبه وهاحبه راح

حبه نفسه فى قلبى بقى غريب

يبقى قوى اوى فى اوقات

واوقات تانية يبقى مش فارق معايا

ساعات بحس انى مفتقداه بطريقة غبية جدا

وساعات بحس انى ولا اعرفه اساسا

اقرب زمايلى ليا قرر انه ميتكلمش مع بنات تانى

وبعد عنى

اقرب صحباتى بقت بترد عليا بالدين فى كل حاجة اتكلم معاها فيها

وانا مش عارفة اتعامل كده

كنت محتاجها تتعاطف معايا مش تبرر كل حاجة ليا بالدين

مع العلم ان ده العادى بتاعى انى اساعد اى حد فى اى حاجة

انى احاول اساعده بالدين

مش عارفة فيا ايه

مش قادرة اكلم حد

مبقاش عندى قدرة انى اسمع اى حد

ومبقاش عندى القدرة انى اغير نفسى او انى اتحسن او انى اسمع نصايح من حد

مش عا رفة انا عايزة ايه ولا رايحة فين ولا هاعمل ايه

كل حاجة قدامى ملخبطة ومش باينة

مش عارفة ان كنت خايفة ولا مش شايفة

مش عارفة

انا عارفة ان اصحابى مش بيحبوا الرد ده لما يقولوا مالك ؟

بس انا فعلا مش عارفة

انا اسفة لكل الناس اللى مش سالت عنهم ولا عيدت عليهم

بجد اعذرونى انا فعلا فى غيبوبة

بكلمه منك

تنسيني اللي عدي قوام

تخليني احس بقيمه الايام

تطمني لسنين قدام

بكلمه منك توريني اللي مش شايفاه

تريحني من الهم اللي انا شايلاه

تعيشني اللي مش عايشاه

كان فين هواك من بدري يا حبيبي وكل دا فين

دا قبلك وانا عايشه مع العايشين

بكلم نفسي م الوحده بقالي سنين

وانا ف ضيقتي مكنتش عارفه احكي لمين

وطول وقتي وانا بعمل حساب بعدين

ودلوقتي عرفت ابدا حياتي منين

بكلمه منك عرفت انا دنيا معرفهاش

عشان خاطرك بحب حاجات محبتهاش

ولو تندهلي ما استناش

بكلمه منك لقيت كل اللي مش لاقياه

ولو قيه حد زعلني انا مسامحاه

ولو فيه جرح انا هنساه

اغنية عاشقة

أتمنى لو يحبني
فاحمل له القمر
أتمنى لو يكون قربى
يكف عنى ليالي السهر
احتاج لضمه بين ذراعي
تراني اطمع في كرم القدر؟

يدق القلب هامسا اسمه
تحمل الريح إليّ عطره
تتوهج وجنتاي لقربه

أراه فلا أستطيع أن امنع نفسي

من نسيان كل آلام أمسى
أصبحت كمن حل بيه مسي
في قربه ...كل أمر أخر منسي

يبستم فتتراقص أعصابي مهللة
اعشق ابتسامته فهي مذهلة
ابحث عنها في كل فرصة مواتية

فى الحب هو ملك بلا منازع
حنانه يحطم كل الموانع
لا يكفيني لأترك حبه
الاختباء داخل كل الصوامع

سيبدو لكم الحنان ذاته
من اجله زهدت العالم وكل ملذاته

يسألونني لماذا في عينيه ذوبت
أترون إن أنا من عينيه اقتربت
أشعرهما يملئونني بسحر
اشعر كمريضة وعلى يديه طبت
او تعلمون لماذا عندها هربت
لبحر عينيه قانون مُسنّ
ان انت اقتربت احترقت
بنار الشوق ومهما ابتعدت
ذكرى شعاعهما فى ذاكرتك ستظل

يأسرني حديثه عن الحب
يجن العقل منه والقلب
وانا التى اتخذت التعقل دوما درب

لو طال صمته واذ انا انتبهت
ارى فى مقلتيه الدمع شت
رائع هو حبيبى وسيدى
رائع هو وجوده بالقرب
ان رأيته مبتسما...تبسمت
لا اعلم كيف بالبعد عنه ارتضيت
كيف لا اسلم له قلبى
كيف لم ابنى من حبى له بيت
اجاوبنى آسفة اننى فقط تمنيت

تمنيت ان يحبنى
كى آتيه بالقمر
تمنيت ان يشعر بشوقى
كي اكف عن الارق
تمنيت ضمه بالقرب من قلبى
كى امنع عنه اى خوف او قلق

احبه وما الحب بذنبٍ

احبه وسأتية حتما فى النهاية بالقمر

تاج زهايمر

بسم الله الرحمن الرحيم

اخوانى البلوجرززززز

كل سنة وانتم طيبين يارب

شهر 9 ده شهر جمييييييييييل جدا

اولا لانه فيه شهر رمضان حبيبى

انا بموت فى الشهر ده

بحس انه اجمل شهر فى السنة

وساعات بتمنى انه يبقى طول السنة رمضان

وارجع اقول لا

كده هو مميز

شهر واحد

بجد الشهر ده بتحس ان موجة عارفمة من الهدوء والحب والسكينة والطمئنينة بقوا فى قلبك

بتحس ان كل حاجة بتقف فى الدنيا

المشاكل والزعل والضيق والهم

شهر جميل

تحسه ان االشوارع مزينة والناس بتضحك

وكله جميل

وغير كده بقى ماى عيد ميلاد فى شهر 9

وده طبعا يوم تاريخى

كفاية انى جيت للدنيا ديه

----------------------

المهم بقى يا شباب

بما انى كان عندى زهايمر وكنت عاملة بيات صيفى

قعدت اعصر نفسى وافتكر مين فى المدونين بعتلى تاج وقالى عليه وانا نسيت
الهم فضلت ادور

لقت تاج عن مدحت محمد من شهر مايو

لكن مش هو ده اللى بدور عليه

معنا كده انى لازم ابدا علاج

المهم انا هجاوب التاج

بسم الله توكلنا على الله

---------------------------------

السؤال الاول

اذكر خمس أحلام على الاقل ..تخص ماضيك وتحلم فيها بتغيير اشياء ..ماذا ستعدل وماذا ستترك؟؟
1- انى اكون صيدلانية

والحمدلله انى مبقتش كده

2- انى ابقى رفيعة خالص كده زى العروسة باربى

هههههههبس ليس كل ما يبغيه المرء يدركه

3- انى يبقى عندى اوضه لونها لبنى وتكون كلها دباديب

جبت الدباديب ناقص اللون اللبنى

4- انى العب تنس وابقى حاجة كويسة كده فيه

بس الحمدلله لعبت بلى مسافات طويلة

5 -انى ارضى امى وابويا وربنا قبل كل شيئ

ولازال العمل على تحقيقه مستمرا ونأسف للازعاج

السؤال التانى
أذكر خمس أحلام على الاقل ..تخص مستقبلك

1- انى اتجوز انسان متفهم وهادى ومتدين ويراعى ربنا فيا ويحبنى

2- انى يبقى عندى اربع اطفال بنتين وولدين

سيف ويوسف وايثار وجانا

3- ان بيتى يكون بيت مسلم هادئ كله حب وسعادة وضحكات تملاء جدرانه

4- انى مشتغلش ومتكونش حياتى المادية فى حاجة انى انزل اشتغل

5- انى لحد ما اموت اتجنب اى خناق بصوت عالى مع جوزى او اولادى

وان بيتى يكون مالوش حس ماعدا الضحكات وصوت القرآن طبعا اساسى

السؤال التالت
أذكر شخصين على الأقل .متواجدين فى حياتك حاليا ..كنت تود وجودهم قبل الآن بزمن

ياسمين صحبتى اللى ساعدتنى كتير فى حياتى

واحمد صديق عزيز وحد بحترمه كان نفسى اقابله قبل ما يبقى غير قابل للحب

السؤال الرابع

أذكر شخصين على الأقل غير متواجدين فى حياتك حاليا كنت تود وجودهم الان او فى حياة اولادك مستقبلا

جدتى الله يرحمها

كان نفسى تكون موجودة وتنصحنى وتفضل تقولى يا آية متزعليش ماما

كان نفسى تكون موجودة تسأل عليا قبل اى حد بعد كل امتحان او مرض

مع انها كانت كبيرة فى السن الا انها عمرها ما نسيت اى امتحان عليا

كانت نفسى تبقى موجودة وتقول مع اولادى قصيدة رثاء الخنساء

وجدو

لانه كان راجل بمعنى الكلمة

نفسى كان ياخدنا يفسحنا زى ما كان بيعمل دايما

وحشونى اوى

امرر التاج للى يعدى ويقراه

اريدك انت

تحديث هام

يا شباب

انا لم ادعى يوما انى بعرف اكتب شعر

وده مش شعر

ولم اقد انى انظم قصيدة شعرية

ديه مجرد خواطر

جاتلى

وطلعتها زى ما حستها

فا محدش يفتكر انى بفتكس فى الشعر

وشكرا

-- -- -- -- -- -- -- -- -- -- -- -- -- -- -- -- --

لا اريد حريتى ....بل اريدك انت

لا اريد حباً....ان لم يكن منك

لن اشعر بقلباً...ان لم يكن لك

لم يملكنى احدا مثلك من قبل

لم اتعلم كلمات العشق سوى منك

حقا كل ما اريده هو انت

انت دارى وامانى والحب هو انت

المستقبل والحاضر بل والماضى هم عينيك

فقط احبك ولن احب سواك انت

حبك ان لم يكن جنوناً فليس بصدق

تعودتك جنونك وبه حلمت

ارتجف شوقا ان انت امسكت يدى

احبك حقا ، وسواك من احب؟

حياتى انت وبدونك لا عيش

لا اريد حبا...ان لم يكن منك

لن اشعر بقلبا...ان لم يكن لك

لا اريد حريتى...بل اريدك انت






-- -- -- -- -- -- -- -- -- -- -- -- -- -- -- -- --

على الرغم مما اشعر نحو تلك الكلمات من غباء تام

ولكنى احببتها الى حد ما

ارجو ان تعجبكم

فتلك احدى نوبات هذيانى

بخ....انا هنا اهو

تحديث

لا مش تحديث اوى

هى وكسة اكتر منه تحديث

اسمه ايه ده فرانكشتاين بتاع العبارة اخد براءة

مش بقولكوا احنا فى مجتمع كوميدى

مش لاقية كلمة فى قاموس قلة ادبى تعبر عن احساسى

القاضى هيروح من ربنا فين ؟

وممدوح زفت الطين ده كمان

وكل واحد كان مسئول عن اللى حصل

نفسى اتفرج عليهم وهما بيتحاسبوا

اعرف هيتمنوا الارض تنشق وتبلعهم ولا لا؟

حسبى الله ونعم الوكيل فيكم

وربنا يصبر الاهالى اللى مش قادرين يصدقوا اللى حصل لحد دلوقتى

يالا ماحنا بيقنا منسويش حاجة خالص

الف مبروك يا مصرين انتى بقيتوا

worthless

متفوقين اهو فى حاجة

مالكوش حجة بقى

حسبى الله ونعم الوكيل

===============================

واااااااااااااو

ورجعت من السفر

تايه فى الميكروباص

انا جيت تانى يا رجال

اكتشتف ان زوار المدونة كشوا اليومين اللى فاتوا

عندكم حق

مانا قصرت جامد اوى معاكم

بس بعيد عنك كان عندى شهر مالوش حل

معرفش ازاى عدى عليا

عايزة احكلكم عن حاجات كتير اوى

وعايزة افضل اكتب للصبح

حلو اوى انك يبقى عندك نعمة الكتابة ديه

بجد ربنا كريم اوى

الحمدلله

انا لازلت بعانى من عيب خطير اوى وهو بعثرة افكارى

مش عارفة اكتب بالنحوى ولا اكتب بالعربى العامى

مش عارفة احكيلكم عن نجاحى بتقدير

كويس جدا

= جيد جدا يعنى

ولا احكيلكم عن الدوة التدريبية عن رجل المبيعات الناجح اللى خدتها مع دكتور ابراهيم الفقى

ولا احكلكم عن حكايتى مع خطوبة اعز اصحابى

ولا الاخبار السعيدة اللى بتجيى ورا بعضها لدرجة انى قلقانة ان القيامة تقوم اليومين دول

ولا احكلكم عن طبق السلطة اليتيم اللى لقيت فيه دودة لطيفة بتلعب

ولا ايه ولا ايه

شفتوا ادينى قلت كل اللى حصل

عارفين

الدنيا ديه فيها حاجات حلوة اوى

....

اكيد يعنى فيها

صحيح انا مش قادرة احددلكم

لكن اكيد فيها حاجات حلوة

كفاية انه انا موجودة فيها

نياهاهاهاهاه

بجد وحشتونى

انتوا اخباركم ايه

اخبار النتايج بتاعة اخوانا المعذبين فى الارض زيى ايه ؟

واخوانا العاملين فى صمت

لسه برضه التكشيرة اياها على وشوشكم

اقولكم سر

انا مش انسانة خيرة ولا حاجة

لكن دايما لما بمشى فى الشوارع واتفرج على الكآبة اللى بقت سمى من سمات المصريين

بتمنى يكون معايا عصاية سحرية

وامسح بيها التكشيرة ديه

يا ناس اضحكوا

متخدوهاش جد اوى على راى محمد صبحى

سيبكوا من اللى ضايقكوا

وعلى راى الدكتور ابراهيم الفقى

مادام انت كده كده عايش

يبقى عيش احسن حياة

ومادام كده كده عندك وقت

ليه متعملش فيه حاجة لذيذة

ليه احنا مبقاش عندنا ضمير حتى فى اجازتنا

عارفين

لما تخدوا اجازة خدوها بجد

استمتعوا بكل لحظة بتمر فى حياتكم

عيشوا اللحظة ديه كانها اخر لحظة فى حياتكم

ده هيا حياة واحدة

ليه منعملش فيها اللى احنا عايزينه

ليه منبقاش كويسين ومحترمين وبنحب بعض

وبنضحك ومبسوطين

ليه بقينا مكتئبين وكل واحد شايل الهم فوق راسه وازح

والله مافيه حاجة تستاهل

اعمل لاخرتك كانك تموت غدا

واعمل لدنيا كانك تعيش ابدا

انا مش انسانة ناجحة فى حياتى

بس حاسة ان الحزن والكآبة اخدوا من عمرى كتير وكتير

وعلى ايه ده كله

انا طلعت بالضغط فى الاخر

يا سيدى فكها وسيبها على الله

واضحكوا

ارفعوا السماعة وقولوا للى بتحبوهم انكم بتحبوهم

لو زعلانين من حد سمحوهم

كلنا محتاجين اننا نُسامَح فى يوم من الايام

فكوها ربنا يفكها عليكم

اضحكوا واستبشروا خير

سيدنا محمد لخصلنا استراتيجية الحياة السعيدة فى اربع كلمات

يسر ولا تعسر

بشر ولا تنفر

والله الدنيا ديه كوميديا

ومش هناخد منها غير لحظتين فرح وضحك

وابتسامة تساوى صدقة تنفعنا بعد ما نموت

سيبكم بقى من اللى يزعلكم

وعيشوا كل يوم كانه قصة جديدة ويوم جديد

ومهما قابلك وحصلك قول الحمدلله

الحمدلله على ديشليار نعمة احنا فيها ومش حاسين

لو حاولت اعدهملكم مش هاعرف

نعم الله لا تحصى

اسمه سورة الرحمن

ويس

والواقعة

والدخان

وطه

ومريم

والقمر

وكل واحد بيرتاح لما يسمع سورة يسمعها

اسمعوا موسيقى هادية تهدى اعصابكم وطهر روحكم

لما تروحوا بيتكم العبوا مع ولادكم

واتكلموا معاهم واضحكوا معاهم

باباك ومامتك معذبينك

عادى

ماهما كمان اهلهم عذبوهم

عيشوا انهاردة من القلب

وسيبوا بكرة لما يجيى ابقوا شوفوا هتعملوا فيه ايه

ربنا يحفظكم كلكم ويرعاكم

تعرف ربنا؟

بسم الله الرحمن الرحيم
(وجعلنا من بين ايديهم سدا ومن خلفهم سدا فأغشيناهم فهم لا يبصرون)

اللهم امين يا بُعدة

ازيكم يا اخوانا

كنت لسه بتكلم مع محمود
(رئيس جمهورية نفسه ) انى مش لاقية حاجة اكتبها
متخيلتش ان ربنا هيفرجها عليا كده

وايه
موضوع يمكن تطير فيه رقاب

ولا تطير
ماهى معدتش تفرق

سونيا من سنية

---------------------
تعالو كده كلنا نرجع نسترخى لورا ونرجع ايام زمان ايام طفولتنا البرئية ونفتكر الاغانى البريئة
ومنها الاغنية اللى كانت بتقول ايه

يا فاطر رمضان يا خاسر دينك
القطة السودا هتاكل مصارينك


بصرف النظر عن التعبيرات اللى مش عاطفية فى الاغنية
لكن زمان كانت بنسبالنا فطار رمضان ده معناه مأساة
معناه ان الولد او البنت دول لازم يتجلدوا
وكان اهلنا مفهيمنا انه فطار رمضان طه معناه فضيحة

ولغاية انهاردة عمرى ما اقدرت افهم ازاى فيه ناس مسلمين ممكن يفطروا فى رمضان
بعد ما شفت بعين مسيحين بيكونوا موجودين معانا فى نفس اماكن تواجدنا فى الصيام ومش بياكلوا ولا بيشربوا مراعاة لشعورنا

!!!!ما بالكم بالمسلمين

كل ده مش موضوع اوى

لكن
لغاية انهاردة مش قادرة اتخيل ازاى ناس مسلمين بتعاملوا فى حياتهم كانهم ميعرفوش ربنا

يعنى انا مثلا
لو كذبت مرة او فوت صلاة ببقى مكسوفة اوى من ربنا
وببقى مش قادرة ارفع وشى ابص فى السما

وغيرى ناس كتير على اختلاف درجات ايمانهم واسلامهم

لكن
ان حد يبقى
blood less
كده

اهو ده الغريب

يعنى لما دخلت عند احمد الصباغ ببص على البوست الجديد بتاعه

مش قادرة افهم الناس جرالها ايه

ازاى عارفين انه هايجيى علينا يوم نقف قدام ربنا نتمنى الارض تنشق وتبلعنا ويعملوا كده


بلاش يكونوا متدينين

لكن ده أ ب اسلام
ده يعنى اول حاجة اخدناها فى كتاب الدين بتاع ابتدائى


انا مش قادرة افهم
الناس ديه عقولها راحت فين

انا اعرف الواحد يغلط سنة اتنين تلاتة خمسة
لكن بيرجع يندم ويتوب ويعرف انه فيه ربنا وانه الله حق

لكن افضل عمرى كله عامل نفسى مش من هنا


ازاى

انا بجد لما اتخيل عذابهم عند ربنا بيبقوا صعبانين عليا
مين مننا ممكن يدعلهم بالرحمة

انا عارفة ان رحمة ربنا وسعت كل شيئ

انا مش بقول ان ربنا مش هيرحمهم

بس غصب عنى والله بقول يارب لا ما ترحمهمش

وريهم هما كانوا بيعملوا فينا ايه


انا عارفة ان ربنا مخليهم فى اماكنهم ومخليهم كده عشان يتقل حسابهم

عشان يعرفوا انهم خسروا كل حاجة ومكسبوش ولا حاجة


بجد والله الموضوع مش راضى يدخل دماغى

بحس انى عايزة اروح الطشهم واقولهم فوقوا بقى
فوقوا قبل ما الطوفان يجيى ياخد كل حاجة ويخسف بيكم الارض

وساعتها ولا قرش من فلوسكم ولا واسطة من علاقتكم هتنفعكم

فوقوا

فوقوا ده الناس بتموت مابين غفلة العين وانتباها


يارب
يارب ارنا فيهم يوما اسودا


يارب وريهم اللى بيعملوه فى عبادك يارب

يارب وريهم قدرتك


فوقوا بقى

*-*هل طرقت الباب*-*

تحديث اتأخر شويتين

--------------

يا جماعة حد يعرف لى لى فين ؟

صاحبة مدونة ابتسم شوية ؟

لو حد يعرف هى فين

بس طمنونى عليها

وشكرا لكم

=======================================

والله يا شباب الموضوع ده وقع تحت ايدى بالصدفة زى ما يكون ربنا بعته ليا عشان اقول اللى فى نفسى

مؤخرا انتشر وباء غريب بين الشباب اسمه انا يئست ...
انا زهقت....
انا محبط....
انا مش عارف اعمل ايه ........
انا معنديش امل.....

المرض ده بجد مخيف
والمشكلة ديه ممكن تبقى كارثة
لو الناس مفهمتش الدنيا ماشية ازاى
لما شباب سن 20 و21 و25 و30 حتى
ييأسوا مع اول مشكلة تواجههم
اللى يئس من انه يلاقى شغل
وااللى يئس انه يتفاهم مع اهله
واللى يئس من الواسطة والكوسة اللى فى البلد
و...والخ

ايه يا اخوانا
ايه يا شباب ؟؟؟
فين ايمانكوا بربنا
فين اركان الاسلام
فين الصبر
فين التفاءل
فين ثقتكم بربنا

ازاى عايزين ربنا يساعدكم وانتوا مش واثقين فى قدراته

ازاى عايزين ربنا يساعدكوا وانتوا مش فاهمين الآية اللى بتقول

((ولا تيأسوا من روح الله انه لا ييأس من روح الله الا القوم الكافرون))

على العموم لكل شاب عنده المشاكل ده
اليك الموضوع ده
عشاك تثق بربنا
وتقوى على مواجهة الصعاب
هل آلمتـك الأيام؟
هل سُـدت الأبواب في وجهك؟
هل أظلمت الدنيا في عينيك؟
هل تعثرت خطواتك؟
هل عانيت من اقرب الناس إليك.. من أخوانك.. من أقاربك؟
هل أصابك الجمود؟
هل يئست من الوجود؟
إذا أصابك كل هذا او بعضه.. فأطرق الباب
أطرق باب الذي لا يرد آملا ً في رحمته
اطرق الباب فسوف تجد الجواب؟
اطرقه مرة أخرى واشحذ همتك فسوف يفتح الباب لا محالة
أطرق الباب فإن ما بعد الليل البهيم إلا فجرٌ جديـد وصباح ٌ تتنفس فيه الرضا والسعادة
اطرقه ولا تيأس.. وحاول وكرر الطرق

اطرق الباب وقل: يا اللــــه
أظهر له عجزك.. افتقارك.. ناجيه.. توسل إليه
ابكِ وتضرع اليه ودع الصدر يهتز كالمرجل.. فسوف يفتح الباب
أطرقه فإنه الرحيم الذي هو أرحم من الأم على رضيعها.. وهل تظن ان الأم لاترعى رضيعها؟
اطرق الباب فقد قال وقوله الحق:ادعوني استجب لكم
أطرق الباب كما طرقه نوح عليه السلام فقال:فَدَعَا رَبَّهُ أَنِّي مَغْلُوبٌ فَانتَصِرْ
فجاءه النصر في حينه: فَفَتَحْنَا أَبْوَابَ السَّمَاء بِمَاء مُّنْهَمِرٍ
أطرق الباب كما طرقه موسى عليه السلام عندما ضاقت به الحال في مدين..فَقَالَ رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ.. فرزقه الله الزوجة والعمل والأمان
أطرق الباب كما طرقه موسى عليه السلام عندما داهمه فرعون عند البحر فقال:قَالَ كَلَّا إِنَّ مَعِيَ رَبِّي سَيَهْدِينِ.. فانشق له البحر..فَأَوْحَيْنَا إِلَى مُوسَى أَنِ اضْرِب بِّعَصَاكَ الْبَحْرَ فَانفَلَقَ فَكَانَ كُلُّ فِرْقٍ كَالطَّوْدِ الْعَظِيمِ

أطرق الباب كما طرقه يعقوب عليه السلام عندما فقد يوسف فقال:فَصَبْرٌ جَمِيلٌ عَسَى اللّهُ أَن يَأْتِيَنِي بِهِمْ جَمِيعاً إِنَّهُ هُوَ الْعَلِيمُ الْحَكِيمُ.. فرد الله له ولديه يوسف وبنيامين
أطرق الباب كما طرقه أيوب عليه السلام..وَأَيُّوبَ إِذْ نَادَى رَبَّهُ أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ
فأتى الجواب:فَاسْتَجَبْنَا لَهُ فَكَشَفْنَا مَا بِهِ مِن ضُرٍّ وَآتَيْنَاهُ أَهْلَهُ وَمِثْلَهُم مَّعَهُمْ رَحْمَةً مِّنْ عِندِنَا وَذِكْرَى لِلْعَابِدِينَ
اطرق الباب كما طرقه ذا النون عليه السلام وهو في ظلمة الليل وقاع البحر وبطن الحوت فقال: فَنَادَى فِي الظُّلُمَاتِ أَن لا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ
فكان الجواب مباشرا من الله:فَاسْتَجَبْنَا لَهُ وَنَجَّيْنَاهُ مِنَ الْغَمِّ وَكَذَلِكَ نُنجِي الْمُؤْمِنِينَ
أطرق الباب كما طرقه زكريا عليه السلام وناداه: إِذْ نَادَى رَبَّهُ نِدَاء خَفِيّاً
وقال: وَإِنِّي خِفْتُ الْمَوَالِيَ مِن وَرَائِي وَكَانَتِ امْرَأَتِي عَاقِراً فَهَبْ لِي مِن لَّدُنكَ وَلِيّاً
وقال:وَزَكَرِيَّا إِذْ نَادَى رَبَّهُ رَبِّ لا تَذَرْنِي فَرْداً وَأَنتَ خَيْرُ الْوَارِثِينَ.. فرزقه الله بيحيى عليه السلام

اطرق الباب وادعوه وادعوه وادعوه فليس بينك وبينه حجاب
وسوف يفتح الباب وتجد الجواب


اتمنى انكم تستفيدوا يا شباب
وانا اولكم

دمتم فى حفظ الله

صمت الحملان

بسم الله

بسم الله الرحمن الرحيم

بسم الله السميع العليم

بسم الله الخبير البصير

بسم الله العلى القدير

---------------------

شكرا

شكرا لكل واحد وواحدة دخلوا المدونة وتمنولى اجازة سعيدة

تسلملولى يا رب

انا بقالى اسبوعين فى مصر

بس مكنتش عارفة اكتب اقول ايه

بفضل فاتحة المدونة ومتنحه ليها

ومش لاقية كلام يتكتب او يتقال

انا مش حزينة

ومش كئيبة ومش اى حاجة

بس احساس غريب اوى اوى

انى مش لاقية كلام

انا بس حبيت اشكركم

واسلم عليكم

واقولكم انكم كلكم وحشتونى اوى

وانا بعتذر انى مش بتواجد عندكم فى التعليقات كتير

رغم انى بحاول اتابعكم كلكم

ادعولى ربنا

يشرح لى صدرى وييسر لى امرى ويحلل العقدة من لسانى

كى يفقه قولى

استودعكم من لا تضيع ودائعه

شط اسكندرية يا شط الهوى

انا مسافرةةةةةةةةةةةةةةةة


اشوفكم على خير


هتوحشونى

الرحمن.....الرحيم

بسم الله الرحمن الرحيم

يا سلام

يا سلام لما تبدائى اى حاجة وانتى بتقولى بسم الله يا رحمن

الله على ديه كلمة مريحة للقلب

قد ايه بتطمنى انك بتستعينى بالرحمن

وبتسمى بصفة الرحمن

قد ايه انا بحب سورة الرحمن

من اجمل سور القرآن

عروس القرآن

بجد سورة تحسى بعديها ان بسمة خفية اترسمت على وشك

متعرفيش ازاى

بس ايا كان اللى جواكى

سورة الرحمن ديه كفيلة انها تشيله منك

عامة صفة الرحمة ديه صفة جميلة

يعنى لما تقبلى حد رحيم كده

بتحسى تجاهه بود

لانه بتلاقيه دايما طيب كده وعلى وشه برضه ابتسامة حنينة

حتى احنا يا ستات اول صفة قلبنا بيميل ليها فى الرجالة هى الحنان والحنية

وهما وجه اخر لعملة الرحمة

والطيبة

كلها صفات تخليكى عندك هدوء داخلى لما تتعملى مع الانسان ده

ما بالك لما يبقى ربك هو الرحمن الرحيم

ياااااااه

عارفين

انا زمان لما كانوا بيقولولى سمى قبل ما تعملى اى حاجة مكنتش فاهمة ليه

وبما ان العند والدماغ الناشفة اللى عايزة الكسر صفة اصيلة فيا وواخدة حقها كمان

فامكنتش بسمى

اوعوا حد يشهق بقى ولا يتخض ويقول يااااااه اخص يا آية مكنتش بتسمى

انا فيا عيب

انى مقدرش ابدا اعمل حاجة غير لما ابقى فاهمة ليه

ما بحبش حد يستحمرنى

ولما كنت اسالهم يقولولى عشان المفروض كده

مكننتش فاهمة يعنى ايه المفروض كده

مش معقول ان ده قانون

ومش معقول انها مجرد عادة

لكن لما كبرت وفهمت الدين بقلبى مش بس بعقلى فكرت

انا ليه بقول بسم الله الرحمن الرحيم

بصوا ..بصوا

عشان متهوش منى هاديكم مثل

لو انا مثلا بشيل بيبى صغير

وده اكتر موقف بحس انى لازم اقول فيه كتير بسم الله الرحمن الرحيم

وانا بشيل البيبى ده ببقى مرعوبة لشيله غلط ولا يقع منى بعد الشر او اى حاجة تحصل

وعشان انا اساسا مؤمنة انه اى حاجة بتحصل هى بايد ربنا

فا بقول بسم الله الرحمن الرحيم

يعنى بسم ربنا الرحيم على الطفل

اللى ان شاء هو مش هيخلى حاجة وحشة تحصله

يعنى بس ربنا الحنين اللى بيخاف على الطفل الصغير ده

انا مش عارفة اوصلكوا اوى احساسى

بس لما بقولها بحس انى بقول لربنا

بحق رحمتك استرها ومتخليش حاجة وحشة تحصل

مش عارفة بقى

بس فعلا لما تفكروا فيها ليه مكنتش بسم الله القوى المتين

ليه مكنتش بسم الله السلام القدوس مثلا؟

فكروا فيها تلاقوا انكم لما تبدا اى حاجة بتبقوا خايفين

فا بتحتاجوا السلام والهدوء الداخلى اللى اتكلمنا عليه

فامحتاجين تسموا بالرحمن الرحيم اللى باذنه مافيش حاجة وحشة هتحصل

======================

اساسا اساسا انا مكنتش عارفة اكتب ايه

ومكنتش لاقية كلام اكتبه

والله العظيم الشاهد عليا البوست ده كله جه فى دماغى وانا بكتب بسم الله الرحمن الرحيم

مش بقولكوا ربنا ده كريم اوى

========================

ملحوظة صغنونة

كل الكلام ده مش مبنى على اى اساس علمى

ده كله احساسى

قصدى انى مدرستش اوى هى ليه كانت بسم الله الرحمن الرحيم بالذات

ده مجرد شعور فى قلبى

عشان بس مخدش وزر اى حد يفهمنى غلط

==========================

يالا

استودعكم الله

وسورى لو رغيت فى ودانكم كتير

بس كانت فكرة فى دماغى

وقلت اشارككم فيها معايا

ربنا يجازيكم خير على وقتكم ده

ويكرمكم يا رب

استودعكم الله

-------------------------------

آه صحيح

بمناسبة سورة الرحمن انا بهديكم سورة الرحمن بصوت الشيخ محمد جبريل

وهو اساسا صوته ماشاء الله يخليكى تقشعرى بدنا كده

ما بالكم بقى وهى يقرآ سورة الرحمن

يارب يكرمكم

صباح الخير ياللى معانا

صباح شريف اعزائى البلوجرز والبلوجرزات

=============================

صباح الخير على عيونك

يجعل صباحكم صباح الخير

يجعل ايامكم كلها خير

صباح الخير يا باشمهندس

صباح الخير يا دكتور

صباح الخير يا كل واحد صاحى من بدرى ونفسه ومنى عينه يكمل تلات دقايق نوم

يجعل صباحك كله خير بحق تعبك ومجهودك

صباح الخير يا كل ام فى مصر قايمة تصحى ولادها للمدارس وللكليات

صباح الخير يا ماماتى انا

يارب يوم يبقى انهاردة كله خير

صباح الخير يا بابا

يارب انهاردة تكون بخير

صباح الخير يا محمود

ربنا يستر طريقك وترجع البيت بالسلامة

صباح الخير يا طنط علا ويا طنط عزة ويا خالو

وياعمو سمير وعمو عصام وطنط منى وامنية وهدى واحمد ومصطفى وسارة وهشام وداليا

واسامة ووليد واميرة وريم

وفريدة وملك ونور وهايا وزينة وحبيبة

صباح الخير يا ستى

يا احى ستو فى الدنيا

ربنا يخليكى ليا

وعمتو صفاء وعمتو سناء وعمتو ايمان

وعمو رضا وعمو صلاح وعمو جمال

وطنط مادة وطنط سناء وطنط امانى

وعمرو سيد وعمو سيد

ومحمد وخالد وعمرو ومحمد واحمد ومصطفى وشيماء ومروة ودينا واميرة وهشام ومحمود

ومحمد وعبد الرحمن ومحمد

صباح الخير يا ام سهام

وحشتينى

صباح الخير يا ياسمين ونوران ومريم وماهى وعلياء ومنة وهند وعمرو واحمدومحمد واحمد وهيثم ومعتز وماريهام وداليا وغدير وهند واحمد مصطفى واخويا الجميل صلاح ودكتور محمد على واستاذ محمد نادى واحمد سيف واحمد سعيد وسارة ونورا وسلمى وداليا ومرام وشريهان وسها وزينب وانجى وهانى واسلام ومحمد واميرة ونيفين وراجية وايناس ومريم وريم وكل واحدة وواحد انا بحبهم وعشت انا وهما ايام صعبة فى الكلية او المدرسة

صباح الخير

يامدحت يا محمد

واحمد تشى

وكيكو المهندز

احمد يا صباغ

صباح الخير يا طهقان

وطهقانة صباح الورد

وخيخة وشريف ابنها

وايوية

وميدو

وروى

ومصطفى

ومحمود الفاوى الجميل

وعمى استاذ احمد محمد على

وآبى

واحمد بتاع الموج

والدكتور العظيم بطوط افندى

وشريف طلال

ودكتور اشرف

واستاذ اشرف توفيق

واستاذ تامر طه

وعمى ابو مالك صاحب المضيفة

ولى لى وش الخير

وشاهى ام الولاد

وجوزها الدرويش الروش

ومحمد العشرى وخاطبته الجميلة

وسوووو

وعتاب

ومحمود عادى بقه

هيرو

ووايت هارت

وشوشو وحماتها

وعز اليعقوبى

والجعفرى كمان

واالجميلة المش قادرة

وغادة

وكل مدون ومدونة محترم

واى حد مقلتش اسمه اوعوا تزعلوا

انتوا اكيد فى القلب

ويجعل صباحكم كله ورد واشراق

بالله عليكم ابتسموا

وروحوا قولوا لاى حد تقبلوه باحلى ابتسامة

صباح الخير

يارب يجعله صباح الخير

صباح الخير يا مصر يا حبيبتى

صباح الخير يا اعظم نيل

صباح الخير يا كل طوبة وكل حارة وشارع وعامود ورصيف فيكى يا مصر

صباح الخير يا مدرستى يا حبيبتى وحشتينى اوى

صباح الخير يا اجمل كلية فى الدنيا

صباح الخير يا كل مدرس علمنى حاجة اعرفها فى حياتى

صباح الخير يا كل دكتور طلع البلا على جتتنا وتعبنا وهارانا ابحاث لما فاض بينا

برضه صباح الخير

صباح الخير يا سنة تانية

ربنا معاكم فى الامتحان انهاردة

صباح الخير لكل المراقبين

ربنا يعينكم

صباح الخير لكل واحد فتح عينه انهاردة وقال

صبحنا واصبح الملك لله وحده لا شريك له

ولكل واحد راضى وحامد ربنا على انه قام انهاردة من النوم

وقال الحمدلله الذى احيانا من بعد ما اماتنا واليه النشور

صباح الورد والفل على عيون كل واحد فى الدنيا ديه مافيش فى قلبه الا الخير

صباح الخير عليكم كلكم

يارب انهاردة يكون يوم كله سعادة وخير عليكم

ربنا يرضى عنا جميعا ويباركلنا انهاردة

جايز انهاردة البوست مافيهوش اى حاجة مفيدة

ومعلش لو ضيعت وقتكم فى قرايته

بس كنت عايزة اقولكم كلكم

صبااااح الخير

صباح الخير يا نااااااااااااااااااااااااااااااس

BROEKN VOW

تحديث

======================

السلام عليكم يا شباب

انا عايزة احكيلكم قصة سريعة كده هتفهموا بعديها المغزى من الاغنية

كان فيه واحدة صغيرة فى تالتة ثانوى مكنتش ليها ااى تجارب سابقة للتعامل مع الولاد

ولا كانت حتى بتعرف تكلم معاهم

وبالنسبة لها ان لو اخدت درس فيه ولاد اهو ده الجحيم بعينه

وبعدين اتعرفت على شاب وحبته

وارتبطوا

عدت سنة وهى سارقاها السكينة

وبعد كده بدات ترجع تانى لطبيعتها

حسن انها بتعمل حاجة مش صح

لانها مش مؤمنة بالارتباط

وبمتحبش المسمى ده

وشايفة ان العلاقة لو مكنتش الكرة الارضية كلها تعرفها

تبقى غلط

المم اتفقوا مع بعض انهم يبعدوا

بس هو موافقش

اضطرت هى انها تبعد وتنهى الموضوع

حتى لو كان على حساب اى مشاعر جواها

بس فضل عندها امل انه فى يوم من الايام هيجلها

ويخطبها

وتعرف انها كانت غالية عنده

بس للاسف سمعت خبر خطوبته

هى مش ندمانة ولا زعلانة

هى بس بتصفى مع نفسها حسابات قديمة

لكن ايمانها بربنا ثابت

وهى حطة قدام عنيها مبدا

(من ترك شيئا لله عوضه الله خير من)

الاغنية ديه كل معناها ان واحدة بتسال حبيبها عن حبيبته

وبتقوله ايه اللى فى حبيبتك االجديدة مكنش موجود فيا

==========================

انا اسفة يا شباب لو الموضوع بان درامتيكى اوى

بالعكس...ابسولوتلى

انا لسه ثابته على مبداى

بلا نيلة

استمتعوا بالاغنية لانى بحبها

===================================

"Broken Vow"

Tell me her nameI want to know

The way she looksAnd where you go

I need to see her face

I need to understand

Why you and I came to an end

Tell me againI want to hear

Who broke my faith in all these years

Who lays with you at nightWhen I'm here all alone

Remembering when I was your own

===================

I'll let you go

I'll let you fly

Why do I keep asking why

I'll let you goNow that I found

A way to keep somehow

More than a broken vow

====================

Tell me the words I never said

Show me the tears you never shed

Give me the touch

That one you promised to be mine

Or has it vanished for all time

====================

I'll let you go
I'll let you fly
Why do I keep asking why
I'll let you goNow that I found
A way to keep somehow
More than a broken vow

====================

I close my eyes

And dream of you and I

And then I realize

There's more to life than only bitterness and lies

I close my eyes

I'd give away my soul

To hold you once again

And never let this promise end

==================

I'll let you go
I'll let you fly
Why do I keep asking why
I'll let you goNow that I found
A way to keep somehow
More than a broken vow

======================

ع...ا...د...ى

عادي

عادي

...... عادي

عادي

نفترق عادي

عادي

ننجرح عادي

عادي

نتنسي عادي

==========

الألم عادي

و الندم عادي

و العذاب عادي

============

أي حاجة

كل حاجة

مش غريبة

غريبة !!!

...عـادي

=============

حتى اللي كنت ديبه في هواه

و بقول في بعدو ما فيش حياه

خدت الحكاية وقتها

و كل شيء راح وانتهى

بقيت اشوفو زي أي حد عادي

!!! و أقل من عادي

==============

الألم عادي

و الندم عادي

و العذاب عادي

================

أي حاجة

كل حاجة

مش غريبة

غريبة !!!

... عـادي

=================

ما بقتش أخاف م الذكريات

ده اللي جاي ينسي اللي فات

بعدو الحبايب قربو

ما بقاش في شيء استغربو

وبعيش في قلبي

حزن , فرح , جرح

عادي

بقى كل شيء عادي

=================

الألم عادي

و الندم عادي

و العذاب عادي

=================

أي حاجة
كل حاجة
مش غريبة
غريبة !!!
... عـادي

==================

عادي

نفترق عادي

عادي

ننجرح عادي

عادي

نتنسي عادي

=================

الألم عادي
و الندم عادي
و العذاب عادي
=================
أي حاجة

كل حاجة

مش غريبة

غريبة !!!

... عـادي

عندك مانع؟؟؟

ايوة بحبك وبحب حبك

ايه ؟ عندك مانع

ايوة بسهر ليلى بفكر

ها؟..عندك مانع

وناوى اعيش العمر جنبك

برضه لسه عندك مانع

حبك ليا احلى خيال

مالى عليا وليا الحياة

ايه تانى....عندك مانع؟

قلبك تاج وجو عنيا

بحبك وردة وشجرة وظلة

ساعة عصرية هادية وصافية

...........لا

اوعى تقولى عندك مانع

بحبك اوى ميت الف مرة

وهافضل اقولها انا ميت مرة

حبك بذرة فى ارض خضرا

طرحت خير يا قلب ابيض

حياتى ليكى يا احلى قصة

ينفع اقول (عاشقك) بالمرة

.........واوعى

اوعى تقولى عندك مانع

============================

الكلام ده انا كتبته ساعة صفا لما كنت بقراء القصيدة الى كتبها

مدحت محمد

فى مدونته،وهى بنفس العنوان

مكنش قصدى اقلده بس عجبتنى الفكرة

ووريته الكلام

ومع انى كنت شايفه انه بجد سخيف الا ان مدحت اصر وخلانى اوعده انى احطها فى المدونة

فا....يارب تعجبكم

ولا ايه ؟

عندكوا مانع؟؟